80年代《430穿梭机》主持公开移美生活叹「似等...」 呻爆移民退休日子：你乜都唔使做坐埋一边啦！
发布时间：09:00 2025-09-05 HKT
80年代有份主持儿童节目《430穿梭机》的「白僵尸」龙炳基早年已转行做厨师，移民美国多年，62岁的龙炳基已到退休年龄，他早前分享退休生活，透露现时在美国做「家庭主夫」，每日负责做家务、煮饭及接老婆下班。他在YouTube影片中表示：「讲得好听啲，就悠闲嘅生活啦，如果讲得唔好听，就好似等……𠮶个字唔好讲喇！」
龙炳基提点准备移民的退休人士
龙炳基与前护士太太育有一子一女，早于90年代已经移民美国生活，2005年一度做「太空人」回流工作，主持烹饪节目，不久便回美生活。近年他开设个人YouTube频道，分享日常生活及昔日在圈中工作时的趣事。龙炳基在片头分享煮饭片段，表示：「每日做嘅嘢就系煮饭，今日要搞嘅嘢就搞掂晒喇，就冇嘢做啦㖞，示范畀你睇退休之后嘅生活就系咁……日日如是，煮饭，做完就等，等咩呢，就系等我太太喺公司打畀我『做晒嘢啦，可以走啦』，我就揸架车去佢公司楼下等佢，车佢返屋企，日日如是。咁如果大家系准备想移民，又系退咗休呢，我谂你哋都唔系几钟意呢一种……讲得好听啲，就悠闲嘅生活啦，如果讲得唔好听，就好似等……𠮶个字唔好讲喇！」
相关阅读：王君馨诞女后突预言将世界末日：真系时间无多要末世喇！ 直斥AI是凶手：真系好可怕
龙炳基忧虑AI全面取代人类
另外，龙炳基分享早前看到一条影片，有餐厅尝试用AI及机械人取代人手煮食，更指早前返港见到传菜等工序都由机械人代劳，虽然可以节省到大部份人力、物力及财力，但却令他有所忧虑。他说：「七十亿人，其实好多工作都系好快可以畀AI机械人取代到，起码都九成……建筑业、餐饮业、旅游业，甚至睇医生都得，咁冇几多工种剩啦㖞！咁如果七十亿人里面，有九成人嘅工作畀机械人AI取代咗之后，呢六十三亿人……唔系即刻死咗佢㖞，佢哋仲系生存喺呢个地球上面，个结果会系咩呢？」他将情况比喻成他现时的生活，「即系好似我而家咁样，退咗休，即刻乜嘢都唔使做，你坐埋一边啦！个个月你收钱食就得喇，咁系咪就可以呢？移民去其他地方可能真系冇嘢做，饿你唔死，咁点算？呢个就系我嘅问题……我而家当系享受紧啦，当系叹紧，其实我就系极之唔愿意。唔知大家点睇喇！」
相关阅读：《430穿梭机》元祖级主持被爆离巢内幕？ 传转行任护士多年 网民召方东升寻人
