劉錫賢離婚被分一半身家生活艱難 向高層阿妹借錢被鬧「冇用」：咬緊牙關咪過囉！
發佈時間：15:00 2025-09-04 HKT
「亞視忠臣」劉錫賢9月底便64歲，自亞洲電視「熄機」後，劉錫賢北上發展，間中會接拍ViuTV劇集。近日劉錫賢接受內地社交平台訪問，再提到因為與前妻離婚，被分走一半身家，之後因為沒有穩定工作，導致生活拮据，幸獲三人幫助走出難關。
劉錫賢演藝學院畢業
劉錫賢在訪問中提到，自己香港演藝學院首屆戲劇系（導演）課程畢業生，由於劉錫賢並非訓練班出身，因此未做過跑龍套，就連多屆亞姐都交由他培訓。劉錫賢直言因入一加亞視便獲得不少機會，曾因有風使盡𢃇，目空一切的情況下，說錯一句話而被公司雪藏。
相關閱讀：63歲再婚男星自爆行動不便神情痛苦 與黃秋生是同學 高峰時重達315磅患糖尿30年
劉錫賢剖白只剩40元
劉錫賢再被問到戶口只剩40元，再次剖白當時的感受：「前妻離婚分咗我一半身家，再遇到疫情，兩年冇收入，完全使嘅係老本，但已經俾人分咗咁多，個袋剩返40蚊。問題係，呢個過程裡面，你做定唔做？我所講係做人。」劉錫賢直言曾有抑鬱，但不是在疫情期間：「嗰陣時唔係叫抑鬱，如果咁樣嘅情況底下，我諗係發癲。」
主持問到劉錫賢抑鬱時期有沒有想過輕生，劉錫賢坦承：「抑鬱期嗰時就有，但問題係嗰段時間過咗唔關事，疫情冇諗過自殺，如果嗰段時間我捱唔住呢，我基本上會發癲。」劉錫賢直言面對不少問題：「要供樓又要生活，柴米油鹽你都要做㗎！」由於劉錫賢不喜歡問人借錢：「我覺得我自己可以做得過，一定會捱過去。」
劉錫賢被家人責冇用
最終劉錫賢在三個任職高層的妹妹幫助下度過難關：「一邊鬧就一邊借，一邊鬧一邊照顧我。」劉錫賢以風趣語氣回憶被妹妹責怪時的過程：「你真係冇用呀！我係好萬分感激佢哋。」
劉錫賢表示：「人生好得意㗎，好多嘢個天註定咗，你應該要做嘅嘢，佢係畀一個考驗你。當你覺得呢一個考驗，你咬緊牙關咪過囉，你越諗唔通，你越唔咬緊牙關，件事會越來越差，你只會穿入一個死胡同。如果你肯咬牙過咗佢，前面就係光明大道。」劉錫賢上一部在香港演出的作品，已是2023年拍攝去年在ViuTV播出的劇集《無人之境》。
相關閱讀：劉錫賢內地宣傳遭嘲五綫明星 頂大肚腩滿頭白髮 歷婚變喪親戶口曾剩兩位數
