視帝女兒情緒崩潰影響身體前妻指細女由國際學校轉讀傳統學校跪地爆喊：唔返學呀

更新時間：11:00 2025-08-29 HKT
發佈時間：11:00 2025-08-29 HKT

視帝郭晉安前妻歐倩怡自離婚後復出，近來以註冊運動營養學家身份拍攝HOY TV節目《健康關注組》提供專業意見。歐倩怡日前就節目中學童情緒問題的主題分享，透露女兒郭以雅曾因上學的壓力情緒崩潰，甚至心理影響生理。

歐倩怡細女曾恐懼上學

歐倩怡與郭晉安育有一子一女，細女郭以雅現時13歲，歐倩怡指細女曾在幼稚園階段，因轉校而情緒崩潰。歐倩怡表示：「佢啱啱入幼稚園嗰陣幫佢轉校，就由國際學校轉到去比較傳統啲嘅本地學校。佢可能有啲唔適應，一開學佢已經唔知點解日日都會肚痛同嘔。初初以為佢食錯嘢，但持續咗好長時間，帶佢睇醫生，醫生話似係有壓力，叫我再觀察。」

相關閱讀：郭晉安與莊子璇傳緋聞前妻歐倩怡罕回應強調與子女聊天絕不提一人

歐倩怡指細女曾為上學而爆喊？

歐倩怡：佢拉住我隻腳跪喺地下喊

歐倩怡指，當時女兒情況越來越嚴重，「有次套校服洗乾淨、熨好，我預備掛返喺衣櫃嘅時候，她咁啱經過房門口，見我拎住件校服，佢就以為要返學。佢即刻好驚、喊，佢拉住我隻腳跪喺地下喊，話『唔返學呀、唔返學呀』，可能呢間學校……我平時送完佢返學，我唔知，原來有好大壓力，我唔知係同學溝通問題，定學業壓力。」於是她帶女兒求醫，尋求專業協助。歐倩怡自此花更多時間陪伴女兒，慢慢讓女兒適應校園生活，解決壓力問題。