前TVB「御用強姦犯」翻身無望 心灰意冷怨氣纏身 曾因一事被當眾狠批有「姦樣」
發佈時間：21:00 2025-08-25 HKT
臨時演員出身的游飈在1989年投考第3期藝員進修班入行，雖然入行後拍過逾百部劇集，不過發揮機會不多，再加多次演出黑社會又或者強姦犯角色，結果被封為「御用爛仔」兼御「御用強姦犯」，直到2012年游飈決定離巢，期間曾轉投王維基旗下的HKTV，後來因未獲發牌，結果游飈在2004年轉型並創立的環境工程公司，專門負責去甲醛的工作。
游飈被導師批評有「強姦樣」
游飈日前接受鄧英敏的YouTube頻道《老友鬼鬼》訪問，自言最憎被叫「茄哩啡」的游飈，他說：「臨時演員都係演員，唔准叫『茄哩啡』，不過嗰陣係開心，拍10套劇集有9.99套一定古裝，無論死幾多次都彈番起身，死法係多過羅樂林，佢一日死9次都冇用。」游飈又稱在訓練班時有一堂叫「茄輪堂」（專門訓練接吻），他竟然被導師批評有「強姦樣」。
相關閱讀：「TVB御用爛仔」游飇罕現身談辛酸史 曾難以抽離想周街打人 淡出多年變老闆
因為來者不拒的關係，游飈從臨時演員開始已經不時被安排拍爛仔與及強姦戲，他說：「我未做演員已經喺《繩之於法》做屯門色魔，有一次見到群姐（許思敏），一見面就話『群姐，有20年幾年冇強姦過你喎』，其他唔知發生乜嘢事，就話我點解咁講嘢，我咪話大家誤會咗，想多年我做屯門色魔，群姐就係畀我強姦。」想不到游飈讀訓練班的時候，原來已經有做強姦犯的,,潛質：「嗰陣我哋一堂叫『茄輪堂』，即係接吻堂，有一日嘉賓老師劉家豪監製話想訓練一下我哋嘅演技，就係同班同學『打茄輪』，嗰陣係7個男同學對14個女同學，佢仲話2個禮拜後會考試。」
游飈稱當時大家為了考試努力去練習：「我哋為咗考試成績不停練習，考試嗰日係現場有攝影機，大家輪住做，跟住睇play back，劉家豪睇完就評論我和 嗰一位女同學嘅表現，佢話好明顯我係強姦緊呢位女同學，佢個樣又真係好被逼喎。原來佢係要我哋明白，結果唔重要，而係之前鋪排咗啲乜嘢先去到呢個接吻鏡頭，係要交代，唔係為接吻而接吻。」游飈因為未有推戲而被型：「我唔係介意做任何角色，而係一種角色你做了超過10幾20年都係喺嗰個位，喺後段嗰10年左右嘅時間，我做到好心灰意冷，甚至有情緒病、精神病，怨氣好大，好容易發脾氣，因為同我哋早期做嘅時完全係兩樣嘢。」
相關閱讀：游飈專訪丨「TVB御用爛仔」由時薪$3臨記捱逾20年變老闆 疫情後公司面臨倒閉：下次見我可能冚咗旗
