前TVB「御用强奸犯」翻身无望 心灰意冷怨气缠身 曾因一事被当众狠批有「奸样」
发布时间：21:00 2025-08-25 HKT
临时演员出身的游飚在1989年投考第3期艺员进修班入行，虽然入行后拍过逾百部剧集，不过发挥机会不多，再加多次演出黑社会又或者强奸犯角色，结果被封为「御用烂仔」兼御「御用强奸犯」，直到2012年游飚决定离巢，期间曾转投王维基旗下的HKTV，后来因未获发牌，结果游飚在2004年转型并创立的环境工程公司，专门负责去甲醛的工作。
游飚被导师批评有「强奸样」
游飚日前接受邓英敏的YouTube频道《老友鬼鬼》访问，自言最憎被叫「茄哩啡」的游飚，他说：「临时演员都系演员，唔准叫『茄哩啡』，不过𠮶阵系开心，拍10套剧集有9.99套一定古装，无论死几多次都弹番起身，死法系多过罗乐林，佢一日死9次都冇用。」游飚又称在训练班时有一堂叫「茄轮堂」（专门训练接吻），他竟然被导师批评有「强奸样」。
相关阅读：「TVB御用烂仔」游飇罕现身谈辛酸史 曾难以抽离想周街打人 淡出多年变老板
因为来者不拒的关系，游飚从临时演员开始已经不时被安排拍烂仔与及强奸戏，他说：「我未做演员已经喺《绳之于法》做屯门色魔，有一次见到群姐（许思敏），一见面就话『群姐，有20年几年冇强奸过你㖞』，其他唔知发生乜嘢事，就话我点解咁讲嘢，我咪话大家误会咗，想多年我做屯门色魔，群姐就系畀我强奸。」想不到游飚读训练班的时候，原来已经有做强奸犯的,,潜质：「𠮶阵我哋一堂叫『茄轮堂』，即系接吻堂，有一日嘉宾老师刘家豪监制话想训练一下我哋嘅演技，就系同班同学『打茄轮』，𠮶阵系7个男同学对14个女同学，佢仲话2个礼拜后会考试。」
游飚称当时大家为了考试努力去练习：「我哋为咗考试成绩不停练习，考试𠮶日系现场有摄影机，大家轮住做，跟住睇play back，刘家豪睇完就评论我和 𠮶一位女同学嘅表现，佢话好明显我系强奸紧呢位女同学，佢个样又真系好被逼㖞。原来佢系要我哋明白，结果唔重要，而系之前铺排咗啲乜嘢先去到呢个接吻镜头，系要交代，唔系为接吻而接吻。」游飚因为未有推戏而被型：「我唔系介意做任何角色，而系一种角色你做了超过10几20年都系喺𠮶个位，喺后段𠮶10年左右嘅时间，我做到好心灰意冷，甚至有情绪病、精神病，怨气好大，好容易发脾气，因为同我哋早期做嘅时完全系两样嘢。」
相关阅读：游飚专访丨「TVB御用烂仔」由时薪$3临记挨逾20年变老板 疫情后公司面临倒闭：下次见我可能冚咗旗
