「最強小三」為食雞髀花近4百元外賣直送山頂豪宅 被批離地反擊：其實我好慳錢
發佈時間：22:00 2025-08-22 HKT
現年34歲、網紅「五索」鍾睿心（Rachel）自從被爆出與已婚大生銀行主席馬清鏗暗交9年並育有4名仔女後，火速成名網絡紅人。雖然「五索」的行徑惹來不少負評，不過她依然懶理，繼續我行我素瘋狂地晒命。昨日（21日）「五索」在IG分享一個懷孕期間的一個經歷，結果被批離地。
「五索」懷孕期間生活離地
「五索」留言說：「馬先生讚我聰明，真係識慳錢，而平民同事就喺度批評我，真係要揀番啲正面啲嘅同事。」原來當年「五索」懷孕期間，每一日很想食大埔馳名的炸雞髀，但奈何沒有一個外賣平台願意由大埔送餐去山頂，結果「五索」豪表示當時想出了一個「慳錢大法」。
相關閱讀：韋帕颱風丨五索直擊半山風暴威力 戴頭盔眼罩搵命搏 豪宅花園家具盆栽損毀滿目瘡痍
「五索」為食一隻$30雞髀call Uber
「五索」在片中找來閨密分享當日的親身經歷，她形容當時場面勁尷尬，但「五索」直言「孕婦大晒」：「我只係想食一隻$30雞髀，你仲想點啫？ Uber都係三百幾蚊咋嘛，抵啦直頭，我啲朋友仲笑我好離地，其實我好慳錢，如果我叫個司機出大埔一程，再返山頂又一程咩，所以我覺得自己係慳錢，我唔知點解佢哋話我好離地。」不過「五索」表示亦有考慮到會否太浪費，於是一次過叫五隻雞髀才送上車，但卻「出事」了：「我阿媽同我講，食物放落冰格，係一兩年都唔會變壞，兩三星期後，我拎返出嚟氣炸鍋度炸，臭到阿媽都唔認得，我嗰陣時懷孕緊，肚屙，嚇到我黐線。」
「五索」的出位行為又豈止得一件事
其實「五索」的出位行為又豈止得一件事，她曾在ViuTV節目《晚吹—怨女俱樂部》上表示，四度懷孕全因家庭基因：「避咗孕都大肚。」五索直言男方在床事上頻繁，更自豪地表示自己的床上功夫「真係幾勁。」對於「最強小三」這稱號，「五索」不單未有介意，還感到有點自豪：「其實做小三都唔容易，命好係會有人妒忌，我天生就係高調。」不過「五索」坦言不喜歡帶小朋友外出，擔心會被偷拍：「我唔想連累佢哋。」至於有否想過坐正，「五索」坦言當小三並跟富豪生4個小朋友，是希望用馬清鏗當事業跳板，自己做生意獲利：「有一段時間係超愛佢，直頭好想同佢求婚，但後尾好清醒，相處多一兩年真係覺得唔結婚好啲，日日對住一個人，屙屁又見到，屙屎又見到，最核突嗰一面，覺得有好多嘢大家一齊就好，我一早已經拎晒要有嘅嘢，保障我嘅嘢。
相關閱讀：五索自揭想過坐正嫁馬清鏗 認視富豪為事業跳板卻遭騙千萬 早部署分身家：最緊要有錢
