女神配對計劃丨曾展望因一事被誤解委屈爆seed哭訴 真相曝光葉蒨文方寸大亂狂出招安撫
發佈時間：14:08 2025-08-16 HKT
TVB戀愛綜藝真人騷《女神配對計劃》將於明晚（17日）播出第11集，今集五位女神親自決定留低/淘汰勇者。本集最期待畫面，將是「國民CP」葉蒨文（Sophie）與曾展望（GM）的真情對話！曾展望終收起笑臉，改為認真Tone 向女神真情剖白；雖然觸發點只是「幫Sophie 搵電話」，但自覺被誤解的曾展望剖白時，多次委屈至哽咽兼落淚。
林澤謙最後衝刺把握機會向葉蒨文表白
自知在Dating Camp表現遜色的林澤謙（阿Him），在最後衝刺期亦有把握機會向葉蒨文表達愛意：「我真係鍾意你，我想有呢個機會你可以做我女朋友…或者呢兩日傾少咗嘅嘢，可能之後去做番晒出嚟，係我對你嘅Promise。」
相關閱讀：女神配對計劃丨姜卓文浪子終回頭？ 真情剖白攻陷關嘉敏爆喊 Carman對Matthew一個決定感後悔
曾展望因葉蒨文簡單一句話冇晒心機
貴為「國民CP」的葉蒨文與曾展望其實不無暗湧，葉蒨文不止一次覺得曾展望不夠主動，在上集的Hidden Task，葉蒨文有感曾展望幫忙找電話未夠積極，並於分享時說了一句：「曾展望好似後尾係Feel到…」，並向花了足足三小時幫自己找電話的林堡熙（Eddie）道歉。葉蒨文簡單的一番話，嚴重觸動了曾展望神經，當場已藏不住低氣壓的曾展望明顯冇晒心機，事後曾展望向製作組重提事件時，仍心有不甘謂：「好快發現係咩？即係我冇畀心機搵咯，我係覺得佢好似緊張Eddie 多過緊張我，我係有啲唔開心。」之後曾展望主動向葉蒨文提出辯解，包括不主動是因不想被感到霸住葉蒨文、為了葉蒨文已展現了應有的男士風度、幫葉蒨文找電話時絕對很努力、十分緊張葉蒨文及重視葉蒨文對自己的看法。曾展望還說：「我唔想令你覺得我懶懶閒，唔在乎，我唔係咯」、「其實其他人誤解我唔係好著緊，我淨係緊張你有冇誤解我」、「係咪每次我一笑，跟住就（代表）咩都冇做咁哩…」
葉蒨文方寸大亂狂出招安撫曾展望
當曾展望因提到被誤解找電話不夠落力時，深感委屈的他一再哽咽、數度難過至說不出話，去到最後更流下男兒淚。曾展望因出乎意料的脆弱令葉蒨文方寸大亂，一再出招安慰及氹曾展望因之餘，自己亦忍不住被感染落淚，充份展現了她對曾展望因的共情。雖然委屈又難過，但曾展望因最後不忘大派定心丸：「我淨係想同你講我好緊張你。」當得到葉蒨文肯定時，眼眶仍帶著淚光的曾展望因馬上破涕為笑，並纏著葉蒨文冧豬地說自己想主動message聯絡她，鬼咁冤氣。葉蒨文事後接受製作組訪問，坦言全盤接收了對方的真心、真摯及真誠：「其實呢個都係我鍾意GM 嘅其中一個原因，就係佢一啲都唔會假同造作，佢唔識咯，所以我覺得佢嗰吓係真情流露，佢真係好努力，佢都真係幾鍾意我。」
相關閱讀：女神配對計劃丨關嘉敏哭成淚人因一事對姜卓文直認失望 監製宣布結局篇變陣：終於可以同大家講喇
葉蒨文嘆拍《女神》見盡真實人性
被曾展望嚴重觸動的葉蒨文，事後與Eddie 真情對話時，最初仍藏不住眼淚，Eddie見狀即體貼地主動送上慰問：「有咩忐忑呀？或者你諗咩，講吓你自己？」葉蒨文聽畢即感嘆參與《女神》這個真人騷拍攝，令她看到了很多意想不到的真實人性：「好多人都問我，係咪有劇本，我從來答人都係『起碼我好真』…啱啱我覺得係原來好多人都好真，我覺得好特別呢個體驗，我覺得會好多年之後都會好難忘。」Eddie聽完即把握機會展示真心，並承諾適當時機會主動邀請葉蒨文 再進一步：「我覺得我係冇睇錯，我哋享受嘅幸福係同一樣嘢，譬如我做一件事，我覺得好開心，我望過嚟，原來你都好開心架喎…」、「暫時我想確保大家個Feel啱，我搵到我搵嘅人啫，唔代表你搵到吖嘛。」
