「文弱歌手」厄運連連 受癲癇失聲困擾面對巨大心理壓力 不敢停藥：驚自己喺台上發羊吊
發佈時間：13:01 2025-08-16 HKT
洪卓立（Ken）自從與ViuTV節目《膠戰》女神劉沛蘅（Hillary）分手後，不單驚見身形暴脹，體重高達200磅，而且多次傳出健康狀況出現問題，早前更自爆因壓力過大以致失眠，在醫生指引下進食安眠藥，卻因此造成了倚賴：「現在甚至吃了也睡不到，吃了安眠藥會神志不清，做出一些我都解釋不到的事情。」
洪卓立日前推出新歌《重返彌敦道》，新歌歌名似是向自己的代表作《彌敦道》致敬，他表示：「幾年前失聲後，冇諗過可以重返舞台，重新錄歌。喺發現會偶發性癲癇後，唯有停工，開始接受藥物治療。而服用藥物的副作用，亦導致非常容易腫脹。」洪卓立指新歌是他失聲與癲癇症後，重新出發的音樂宣言。
相關閱讀：男星頹Look唱情歌疑觸景傷情眼濕濕 曾高調戀「翻版薛凱琪」分手後暴肥
洪卓立近年飽受健康問題困擾，聲帶受損後，他花了兩年時間學習新的發聲技巧，終於重拾歌唱能力。不過即使能重返舞台，洪卓立又發現自己有偶發性癲癇，每次表演仍要面對巨大心理壓力，洪卓立昨晚在IG開live，他坦言患有癲癇症曝光後，竟然鬆了一口氣：「呢件事我本來都唔想講，始終都唔係一係『馨香』嘅事，但係點解我會講出嚟，我唔係因為出新歌賣慘，只不過係想重新出發，做返個新人。失聲同癲癇症對我係一個好大嘅困擾，癲癇症係要食特效藥，如果二年都冇復發，就可以停藥。我本來今年一月可以停藥，但係手我到而家都冇停，因為我唔夠膽。」洪卓立每次演出都好驚：「嗰陣聲帶係比而家更加差，係有好多誘發癲癇症嘅嘢，兩年幾前開始，包括光、好專心、好投入、好大壓力、瞓得唔好。台上面都會牽涉到，譬如台嘅燈，所以每次上台都會驚，驚自己發羊吊，唯有催眠自己。」
洪卓立亦有提到身形問題：「我知道有啲朋友話我好肥，但係一個人肥，係有好多原因，可能係壓力嘅肥，可能係食藥肥，嗰個肥腫唔係因為狂食嘢而唔做運動，見到我肥吓腫吓瘦下咁，係因為禁食，係唔食嘢做運動，先可以keep到而家咁嘅樣，嗰個藥係點樣都會令我增磅。」洪卓立坦言想戒安眠藥：「我比任何一個人都想戒，亦好羨慕好快可以瞓着嘅人，不過醫生吩咐要停咗癲癇藥一段時間，先可以開始減安眠藥，係唔容易，但係我想話畀大家聽，我得，大家都得。」
相關閱讀：洪卓立又病倒！貼藥物相引惴測 去年分手暴脹至200磅昔日多次被傳「死訊」
