女神配對計劃丨姜卓文浪子終回頭？ 真情剖白攻陷關嘉敏爆喊 Carman對Matthew一個決定感後悔
發佈時間：17:00 2025-08-15 HKT
TVB戀愛綜藝真人騷《女神配對計劃》將於周日（17 日）播出第11集。 五位女神葉蒨文（Sophie）、李芷晴 （Stephanie）、羅毓儀（Yuki）、關嘉敏（Carman）及梁敏巧（Maggie）在Dating Camp結束時，每位只能留下最多兩位組員，最終共有兩名求愛勇者被淘汰！
求愛勇者自我犧牲主動要求被淘汰
在淘汰前夕，11位求愛勇者把握最後機會向女神告白中，有人展現了無人知曉的真實想法、有人展現了超出預期的成長、有人展現了意外的脆弱內心，有人突然來 個驚人轉軚、有人感情突飛猛進、有人突然由天堂跌落地獄，過程出乎意料地催淚，甚至有人為了成全女神，甘願自我犧牲主動要求被淘汰，帶來了極震撼的一幕。
相關閱讀：女神配對計劃丨關嘉敏哭成淚人因一事對姜卓文直認失望 監製宣布結局篇變陣：終於可以同大家講喇
姜卓文依然情繫關嘉敏
關嘉敏在上一集上演「假如愛犬 Two Two 出事」，已被調走的黃家俊（Matthew）得悉女神出事後，即跨組慰問兼主動聯絡獸醫朋友詢問意見，最後還陪關嘉敏執拾細軟準備離開，反而與關嘉敏同組的姜卓文（細 John）對關嘉敏全程置之不理，結果關嘉敏直認又再一次失望喇。今集出現神逆轉，表面看對所有女神「零在乎」、似全心全意玩遊戲多於追女仔的姜卓文，原來心底深處依然情繫「擦身而過」多次的關嘉敏。在Dating Camp 尾聲，姜卓文出乎意料主動爭取最後機會向關嘉敏真情剖白： 「我覺得呢兩個 Round，我個人有少少Lost 咗，可能令你有少少唔舒服，或者有啲人覺得我好似 Friend Zone咗你咁。」姜卓文還未說完，關嘉敏已滿面通紅流露激動樣兼忍不住驚呼：「點解我好似想喊咁嘅？」關嘉敏最終熱淚盈眶，但她仍強裝鎮定向姜卓文反告白：「其實你係我第一個Choice！」
姜卓文重拾戰意向 Matthew宣戰
關嘉敏指三角枱當晚將Matthew寫入「保護名單」是她感到後悔的決定：「我咁就Miss 咗個機會同你溝通喇！」姜卓文對關嘉敏的着緊大感意外：「Wow！完全唔係我 Expect 嘅嘢。」關嘉敏還大讚姜卓文有上進心：「我覺得最Charm係你一直喺度堅持，做你自己鍾意做嘅嘢，呢樣嘢令到你發光，其實我好明，因為我都係做緊同樣嘅嘢。」 關嘉敏的坦誠令姜卓文直認心動：「呢番說話我係有啲感動，OMG，心動了！」二人不但傾到唔捨得停要轉場繼續傾，最後更因關嘉敏一個舉動，令原本打定輸數的姜卓文所有信心返晒嚟，並遙距向 Matthew宣戰： 「我贏咗喇！Bye Bye Matthew。」
相關閱讀：姜卓文回應《東周刊》獨家爆偷食露股網紅CoCo 曾見面做一行為 關嘉敏評細John：XX的人
雲文子教李芷晴兩招吸納正桃花
「怕醜仔」林焌堯（Jacob）難得流利+進擊的「三段式蛻變」告白， 亦是充滿驚喜及感動。Jacob 的第一個蛻變，是竟主動問李芷晴「係咪想企左邊」；因為李芷晴曾於三角枱當晚告知他覺得自己左邊面更上鏡，此舉已令李芷晴大為感動及意外。第二個蛻變，是平時「惜字如金」的 Jacob，激罕地說出至少數百字的告白內容，並展示了即使被淘汰，但希望能再有機會認識李芷晴的決 心。第三個蛻變，是Jacbo為李芷晴準備了「香水膏」作為貼心小禮物：「我知你之前想買香水膏，所以我買咗支畀你，我覺得應該幾適合呢幾日拍攝用。」對於Jacob的「突然主動」，李芷晴一再以甜笑及淚眼回應，明顯相當受落。 不過當李芷晴在閨密何泳芍陪同下，接受奇門風水師雲文子指點時，坦言與陳昇（Jaden）同房後影響了 二人進一步發展，而雲師傅亦不看好二人的緣份：「你而家呢個盤好曇花一現，騰蛇代表有吸引力，但而家講緊你嘅思維，咁騰蛇就代表變幻莫測、好反覆…」
