鍾嘉欣赤裸分享自然分娩過程自爆「下面」嚴重裂開影響行路誕下三胎後拒絕再做呢件事

影視圈

更新時間：10:00 2025-08-14 HKT
發佈時間：10:00 2025-08-14 HKT

41歲的鍾嘉欣今年與脊醫老公Jeremy Leung結婚10年，二人育有兩女一子，定居加拿大生活。鍾嘉欣近日返港，接受鄭裕玲（嘟姐）的商台節目《口水多過浪花》訪問，赤裸分享自然分娩的過程，鍾嘉欣坦言：「講到好核突」。

鍾嘉欣對婚姻有憧憬

鍾嘉欣表示當年公司合約沒有規定不能結婚，突然遇上Jeremy，便勇敢決定人生大事。鍾嘉欣笑說自己對婚姻有憧憬：「結婚就可以生仔，生囉，生完一個又一個，好事嚟嘅，嗱嗱臨搞掂。」小朋友快點長大便可以早日甩難。

相關閱讀：鍾嘉欣首與家姐旅行罕晒合照兩姊妹某部位極相似變幸福人妻多得姊姊牽紅線

鍾嘉欣原計畫生4個

鄭裕玲問到最初計畫生幾多個時，鍾嘉欣舉起四隻手指說：「想要4個，但當我哋有第3個，就發現攰到一個頂點，唔可以有第4個，因為我自己湊。」鍾嘉欣因為不習慣有其他人在家中，會感到不方便，沒有請人湊B，好彩在加拿大有四大長老幫手：「嗰時未生過，生完第一個攰到阿媽都唔認得，如果請咗一個人，要睇佢面色。」所以生完三個後就決定封肚。

鍾嘉欣陀B身體有變化

鍾嘉欣提到懷孕時的辛酸：「最艱難係陀嗰陣荷爾蒙同成個身體有變化，每個女仔都唔同，我嘅變化幾犀利，雖然外表上幾苗條，但有啲位腫腫地，好痛啦！我生係自然分娩。」原來鍾嘉欣的母親當年選擇自然分娩，因此她也想有同一經歷。鍾嘉欣順產生完第一胎後，恢復時間較長：「我行路有啲唔方便，因為我裂得好犀利，好似講到好核突咁。」鄭裕玲不諱言因為現在好多人都沒有經歷自然分娩，鼓勵鍾嘉欣。鍾嘉欣繼續分享其順產經歷，生仔時的皮肉之苦會令人成長：「會體會到力量比想像中大好多，我生完小朋友後變咗個好勇敢嘅人。」鍾嘉欣表示以前好怕醜好細膽，生完後日後睇嘢有所改變。

鍾嘉欣初為人母感受

大女Kelly出世時，鍾嘉欣直言初為人母不習慣：「我望我大女Kelly，一嚿紅色嘅嘢，周圍都皺晒，啲白帶咁，你係我個女？」鍾嘉欣表示兩母女需要時間陪養感情，感受好豐富。鍾嘉欣生第二胎、第三胎時選擇在家中，原來當時湊女返學時，遇到一位同樣懷孕的太太，得悉可以在家中誕B，覺得好原始而感興趣。鍾嘉欣笑說：「我越生我越識生，原來有學問。」鍾嘉欣指躺平因為有地心吸力，如果用蹲下去的姿勢，母體會自然將BB生出來。鍾嘉欣說：「你當自己係一隻狗、或者馬、豬，佢哋唔會趴喺度生。你一自然擘開，死喇！好核突添，佢就會瀡落嚟。」鍾嘉欣表示再加上聲線，越低頻率就會幫助生產。