佘詩曼受訪突然自爆：我冇停過拍拖 公開「對象」大談浪漫細節嚇窒好友 好想做媽媽？
發佈時間：10:00 2025-08-11 HKT
佘詩曼日前到馬來西亞為飲食業好友的食店剪綵，其後接受另一位移居馬來西亞生活的好友、KOL可媛（Hilda）的YouTube頻道訪問，佘詩曼大方分享近況，突然爆出一句：「我冇停過拍拖。」好友驚呆「吓」了一聲。
佘詩曼曾被封「TVB緋聞女王」
早年緋聞不斷的佘詩曼堪稱「TVB緋聞女王」，幾乎拍一部劇便與男對手傳一次緋聞，但自從她離開TVB，感情生活似乎變得低調，只傳過她與一名型男畫家拍拖，更疑被拍到於街頭拖手，但戀情其後不了了之，至今仍未婚。對感情事一向抱隨緣心態的佘詩曼，近日在馬來西亞接受好友Hilda訪問，當被問及現時的感情狀態，她表示：「感情問題？其實……我冇停過拍拖。」Hilda似乎被佘詩曼的答案嚇到，呆了一秒後才醒過來，表示：「吓，咩意思？」佘詩曼見Hilda的反應如此大都笑出來，她補充其實是指拍戲那種「拍拖」。Hilda明顯有不滿：「唔係要呢啲啊！」
相關閱讀：70年代TVB女星罕談近況 曾為佘詩曼媽媽任伴娘 二大電視小生為贏得美人歸大打出手
佘詩曼拍拖對象是「工作」
佘詩曼解釋自己非常認真，「我覺得我一直同緊工作談戀愛，咁多年來都係。我視每一部劇集就係一個對象，我好投入去同佢揣摩呢件事、磨合、發掘角色嘅好處、愛上角色……其實都已經花好多精力。要鍾意嗰樣嘢（角色）先可以演到嗰樣嘢出嚟，個過程其實係好浪漫㗎！」佘詩曼也笑言自己有「人格分裂」，但亦認為太正常其實難以做好演員這份工作，對於佘詩曼如此老練地避過了感情問題，Hilda也哭笑不得。
相關閱讀：「佘詩曼綠葉閨密」今年6度置業 杭州超奢華新居曝光豪派利是 曾當人夫小三極後悔
佘詩曼想做媽媽？
Hilda亦問到，如果佘詩曼當初沒有入行做演員，她認為自己會有何發展。佘詩曼思考了一陣子表示：「我諗……我會做咗一個媽咪囉……我經理人擰晒頭呀！冇嘢可以做到咁慘，哈哈！因為我唔可以日日都做啲朝九晚五嘅工，我唔得，咦，咁可能做媽咪都唔得喇……因為我見你（Hilda）日日06起身送小朋友返學，咁可能我都係唔得。」佘詩曼指自己是停不下來的人，放假太久會瘋掉，「我會覺得好無聊，我人生冇晒意義，同埋覺得自己好廢。」她說，自己非常為食，如果不做演員可能會做旅行美食家，不過自言安排事情非常混亂，可能仍然需要很多人幫助。
相關閱讀：真相猜‧情‧尋丨「昇女郎」黃曉瑩被封佘詩曼恩師 機師老公與麥明詩夫婦好老友
