中年好聲音4面試｜張佳添被傳追求樂易玲 5字回應盡顯信心 有意參加《女神》第二季？
發佈時間：19:30 2025-08-10 HKT
《中年好聲音4》「香港賽區海選」 今日（10日）於電視城舉行，由肥媽、張佳添、周國豐、海兒擔任評審團，高層曾志偉亦到場探班。當日參加者分別有42歲歌手陳逸璇、來自台灣的陳振文、心臟科醫生袁傑文、視障人士陳廣智、來自北京的張頡，以及菲律賓籍人士科亞高巴等。早前有傳張佳添追求TVB高層樂易玲，張佳添直認是「無腳嘅雀仔」，而他亦風騷表示，自己有能力「配合炒作」：「添Sir應該ok」。
張佳添指跟樂易玲好老友
提到有指張佳添追求高層樂易玲，張佳添搞笑指《女神配對計劃》第二季巳暗暗地展開，TVB真正女神是樂易玲，已經挺身而出去宣傳。他笑說：「邊個有份量配合炒作呀？添Sir應該ok嘅！其實我哋好好朋友，成日同胡敏珊佢哋去玩。不過樂小姐講嘅係事實，我哋係好老友，同埋話我係無腳嘅雀仔。」談到是否認為樂易玲未能箍得往他，張佳添說：「無人諗往箍任何人。（是否會參加《女神配對計劃》？）如果樂易玲參加我咪參加囉！講笑啫！希望節目成功。」
相關閱讀：中年好聲音4面試丨李克勤舊拍檔獲評審激讚 富裕家庭成長曾憑一曲彈起 離婚後再出發
海兒指《中年4》參賽者實力更高
今次海選參賽者實力不俗，其中當張振文獻唱《還我一個太平天下》時，海兒聽到「O晒嘴」好驚訝。陳逸璇則大唱英文歌後，獲張佳添指她若然入不到100強，因為太專業未有空。談到參加者表現，海兒大讚參加者張振文表現斯文，但歌藝超靚聲，又認為今年的參加者比去年的實力更高，而張佳添則表示廿年前曾經為陳逸璇的歌曲任監製，但今次見到對方的表現，發覺進步了很多。談到陳逸璇歌手身份，會否對她特別要求高？張佳添說：「我哋對個個要求都高，因為被《中3》寵壞咗！我覺得來自北京嘅張頡唱得好好，佢係《中2》嘅沈宗賢同《中3》嘅劉洋混合版。」
曾志偉預計有7千人參賽
今日有來探班的曾志偉透露今輯暫時有5800人報名參賽，預計最後可能會超過7000人參賽，參加者有不少在內地及海外來參加，今輯節目有10個選區，當中有大灣區、新加坡、馬來西亞、美加及澳洲地區。對於贊助商老闆鄔友正曾揚言參加《中4》，談到未見對方出現，志偉笑說：「有實力響最後嘛！。（如贊助商老闆入圍會否有衝突？）如果佢有實力，我諗大家都贊成，我都想何濟公同飛鷹來參加。」談到《中年好聲音4》評審方面，曾志偉表示會沿用4位固定評審，嘉賓評審要視乎賽制形式而定，又笑言自己毋需碌人情咭邀請人來做嘉賓評審，反而好多人主動舉手來參與。提到李克勤得閒可以擔任評審之一，志偉說：「其實時間上問題，要睇佢時間。」另外，提到有傳張佳添追求樂易玲，不過張佳添笑指為《女神配對計劃》第二季做宣傳。志偉笑說：「我不作評論，但覺得依家香港觀眾識欣賞真人騷，無論討論度或參與度都好高，都係來自真人騷。」對於早前為錢嘉樂慶祝60歲生日，送上「樂悠卡」生日蛋糕。問到是否志偉想出的主意？他笑說：「除左掟蛋糕外，其他都唔關我事。」
相關閱讀：《中3》評審海兒身材成焦點自認開放 回應被周啟生及張佳添前妻批賣性感：我覺得好囉
