處境劇女王林漪娸罕談與女星「不和」事件：唔係好睬我 嫁前警司拒生子女零遺憾
發佈時間：10:00 2025-08-10 HKT
入行40年、有「處境劇女王」之稱的65歲林漪娸近年在處境劇《愛．回家之開心速遞》飾演「Madam Ceci」而深入民心，但其實她早已參與不少處境劇的演出，當中包括：《真情》《皆大歡喜 》系列與及《誰家灶頭無煙火》。
林漪娸否認與郭少芸有惡意
近日林漪娸接受好友鍾慧冰的YouTube節目《冰姐的花樣人生》訪問，林漪娸被問與曾在《愛回家》第一輯合作的的郭少芸不和，她說：「我哋只係唔係太多兩句，我都唔知道點解，我哋之前都好好傾，之後開始唔係好睬我，咁咪算囉，我哋唔係惡意，我對你唔好、你對我唔好，隨緣喇，其實嗰陣都冇嘢，只係少啲傾偈。」
相關閱讀：「Madam Ceci」林漪娸直認拍《愛回家》跟一女星不和 更衣室互不瞅睬：唔知佢做乜嬲我
林漪娸曾參選1980年港姐，最後得第4名，其後簽約TVB做藝人，多年拍過不少劇集，包括有《刑事偵緝檔案》、《壹號皇庭II》、《宮心計》、《妙手仁心II》、《我本善良》、《O記實錄》等，期間又因參演《我愛玫瑰園》、《真情》、《皆大歡喜》、《愛．回家》系列等多套處境劇而被封「處境劇女王」。林漪娸笑言自己並非一直留守TVB：「我移民過去加拿大，去咗1、2年就返去TVB，之後去咗馬來西亞拍視劇，嗰陣有賈思樂、琴姐（李香琴）、丹爺（劉丹）、任達華。我一直都好感恩，因為我好鍾意演戲，所以享受過過程。」林漪娸坦言即時長時間對住，亦不會覺得辛苦：「我覺得好多時候未必需要捆綁，未必因為大家係同一個劇，就一定要做好朋友，有時朋友都係要緣分，分，同一個劇有啲係特別啱傾，咪私底下約出嚟做朋友，有啲可能係同事，但唔代表關係不好，只是一個同事，永遠都唔好話拍嗰個劇一定是好朋友，唔係好朋友就唔啱。」
林漪娸與前高級警司老公榮協議不生育
林漪娸在1984年曾計劃與任職牙醫的男友在加拿大結婚，不過雙不過最終分開了，後來林漪娸回港認識了前高級警司譚德榮，二人在1999年結婚，婚後協議不生育。林漪娸被問為何不生B，她說：「因為結婚嘅時候，年紀都唔細，二來我老公又冇乜所謂，佢話生BB對男人改變唔係好大，但係對女士就會好大 ，既然佢都冇所謂，咁我覺得又OK。」談到與老公的相處，林漪娸笑說：「一係係好紀律化，佢做呢啲位咁耐，講一句下面啲同事即刻做嘢，但係我哋唔係，我哋講嘅係無厘頭嘅嘢，未必係有意思，不過我哋相處冇問題，幾可愛。佢咁小心都娶我，證明我係唔錯。」至於會否覺得因沒有小朋友而覺得遺憾？林漪娸說：「由小到大因為媽咪係家庭主婦， 將來都會同媽咪一樣結婚生仔，而家問我唔生小朋友有冇遺憾，我覺得唔生係啱，因為而家社會太亂，將來嘅小孩只會越嚟越吃力。（咁你啲財產點算？）其實我真係有好多財富，喺個心度，人唔係真係需要好多好多錢，平時夠用唔使憂慮已經好好。」
相關閱讀：「Madam Ceci」林漪娸罕談與前高級警司老公相識經過 憶述被廉署調查心境轉變
