处境剧女王林漪娸罕谈与女星「不和」事件：唔系好睬我 嫁前警司拒生子女零遗憾
发布时间：10:00 2025-08-10 HKT
入行40年、有「处境剧女王」之称的65岁林漪娸近年在处境剧《爱．回家之开心速递》饰演「Madam Ceci」而深入民心，但其实她早已参与不少处境剧的演出，当中包括：《真情》《皆大欢喜 》系列与及《谁家灶头无烟火》。
林漪娸否认与郭少芸有恶意
近日林漪娸接受好友钟慧冰的YouTube节目《冰姐的花样人生》访问，林漪娸被问与曾在《爱回家》第一辑合作的的郭少芸不和，她说：「我哋只系唔系太多两句，我都唔知道点解，我哋之前都好好倾，之后开始唔系好睬我，咁咪算啰，我哋唔系恶意，我对你唔好、你对我唔好，随缘喇，其实𠮶阵都冇嘢，只系少啲倾偈。」
相关阅读：「Madam Ceci」林漪娸直认拍《爱回家》跟一女星不和 更衣室互不瞅睬：唔知佢做乜嬲我
林漪娸曾参选1980年港姐，最后得第4名，其后签约TVB做艺人，多年拍过不少剧集，包括有《刑事侦缉档案》、《壹号皇庭II》、《宫心计》、《妙手仁心II》、《我本善良》、《O记实录》等，期间又因参演《我爱玫瑰园》、《真情》、《皆大欢喜》、《爱．回家》系列等多套处境剧而被封「处境剧女王」。林漪娸笑言自己并非一直留守TVB：「我移民过去加拿大，去咗1、2年就返去TVB，之后去咗马来西亚拍视剧，𠮶阵有贾思乐、琴姐（李香琴）、丹爷（刘丹）、任达华。我一直都好感恩，因为我好钟意演戏，所以享受过过程。」林漪娸坦言即时长时间对住，亦不会觉得辛苦：「我觉得好多时候未必需要捆绑，未必因为大家系同一个剧，就一定要做好朋友，有时朋友都系要缘分，分，同一个剧有啲系特别啱倾，咪私底下约出嚟做朋友，有啲可能系同事，但唔代表关系不好，只是一个同事，永远都唔好话拍𠮶个剧一定是好朋友，唔系好朋友就唔啱。」
林漪娸与前高级警司老公荣协议不生育
林漪娸在1984年曾计划与任职牙医的男友在加拿大结婚，不过双不过最终分开了，后来林漪娸回港认识了前高级警司谭德荣，二人在1999年结婚，婚后协议不生育。林漪娸被问为何不生B，她说：「因为结婚嘅时候，年纪都唔细，二来我老公又冇乜所谓，佢话生BB对男人改变唔系好大，但系对女士就会好大 ，既然佢都冇所谓，咁我觉得又OK。」谈到与老公的相处，林漪娸笑说：「一系系好纪律化，佢做呢啲位咁耐，讲一句下面啲同事即刻做嘢，但系我哋唔系，我哋讲嘅系无厘头嘅嘢，未必系有意思，不过我哋相处冇问题，几可爱。佢咁小心都娶我，证明我系唔错。」至于会否觉得因没有小朋友而觉得遗憾？林漪娸说：「由小到大因为妈咪系家庭主妇， 将来都会同妈咪一样结婚生仔，而家问我唔生小朋友有冇遗憾，我觉得唔生系啱，因为而家社会太乱，将来嘅小孩只会越嚟越吃力。（咁你啲财产点算？）其实我真系有好多财富，喺个心度，人唔系真系需要好多好多钱，平时够用唔使忧虑已经好好。」
相关阅读：「Madam Ceci」林漪娸罕谈与前高级警司老公相识经过 忆述被廉署调查心境转变
