「食屎陳師奶」孫慧蓮過檔ViuTV？告別《愛回家》現身ViuTV劇 曾做羅家英老師：佢好純品
發佈時間：20:00 2025-08-06 HKT
TVB處境劇《愛．回家之開心速遞》在2017年播映至今已經超過2600集，成為香港電視史上最長單部具有連貫劇情的處境劇。劇中創造了不少經典角色，除了「熊樹根」劉丹一家外，還有不少角色相當入屋，多來深受觀眾喜愛，其中一人是「食屎陳師奶」孫慧蓮。
「食屎陳師奶」現身《社畜再培訓先導計劃》
在昨晚（5日）播出的一集，「Win Win」莊思明因「食屎陳師奶」的「妹豬」底衭經常跌到她的曬衫位，於是向管理員「昌叔」投訴，不過只見「妹豬」而不見「食屎陳師奶」，於是有網民發現「食屎陳師奶」已經消失了一段時間，紛紛留言問她的去向，但其實日前「食屎陳師奶」現身ViuTV劇集《社畜再培訓先導計劃》。
相關閱讀：愛回家丨「二太」蘇恩磁與「食屎陳師奶」逾百歲組合被性騷擾？ 網民留猥褻言論：打了個X機
「食屎陳師奶」驚喜現身成焦點
在ViuTV劇集《社畜再培訓先導計劃》的第六集，片尾的彩蛋上看到「食屎陳師奶」驚喜現身，不過今次是飾演「HR」陳子豐的媽媽，當時因兒子欺負同學仔而見家長，雖然只不過是短短的一分鐘片段，但已經成為網民焦點，有人說：「吓？咁《愛回家》冇左食屎陳師奶啦？有冇交代佢去左邊？」、「可以喺VIU見到陳師奶真係好開心，係呀，見到監製就係林建祥以前嘅《愛回家》，真係好睇過而家嘅，去VIU可以拍到呢套咁溫馨嘅劇都有林監製嘅風格。」、「見到陳師奶勁surprise ，好戲之人直得留意及尊重，綠葉都好重要。」、「原來陳師奶依家87歲，完全唔似。」、「我都係一嚟就認得食屎陳師奶，笑到黐線。」
「食屎陳師奶」本身是特約演員
今次飾演「食屎陳師奶」兒子的陳子豐亦忍不住留言：「大家唔好再叫我媽咪食屎，彷彿我都係食屎大咁樣樣。」《社畜再培訓先導計劃》的監製兼導演林建祥，曾在2017至2023年時任《愛·回家之開心速遞》的監製，再加上「食屎陳師奶」本身是特約演員，所以去其他電視台拍劇很正常。對於「食屎陳師奶」這個角色，已經87歲的孫慧蓮曾說過：「如果講代表作，唯一就係呢個，因為我拍咗好長時間；有啲朋友同事話『乜你食屎呀？咁你都肯做？我話係名之嘛，你本人唔食屎咪得囉，呢個世界上有冇食屎吖？」
相關閱讀：「食屎陳師奶」遭同事學生朋友質疑 孫慧蓮：係名之嘛，我唔做壞事咪得囉！
「食屎陳師奶」做過羅家英老師
孫慧蓮退休前是一位小學教師，由1959年起教過五間官立小學，連羅家英都是她的學生，孫慧蓮亦曾經與歐陽偉豪（Ben Sir）在將軍澳官立小學和做過同事：「家英哥應該係我最早期觀塘官立小學嘅學生，家英哥係第二屆，應該係60年插班嘅。」退休後孫慧蓮由教育界轉戰演藝界，她曾說：「連我啲學生都話『有冇搞錯呀？孫主任，咁你都做。』我話『做戲之嘛，做出人生百態，有乜唔好啫！我唔做壞事咪得囉，食屎唔係壞事，但有冇人食屎吖？』你做嗰行就投入嗰行。」事實上孫慧蓮本身鍾意演藝工作，在1996年看到港台招聘演員，於是膽粗粗自己寫信去一試，結果開始其演戲人生，直至2006年正式退休後繼續做特約演員。
