真相猜·情·尋｜八仙嶺山火生還者張潤衡千字文批方東昇節目「極唔尊重」：為流量啫 TVB九字回應
發佈時間：12:10 2025-08-04 HKT
《真相猜·情·尋》由方東昇、黃曉瑩及李嘉嘉主持的TVB新聞資訊節目《真相猜‧情‧尋》，上周一連兩日播出「八仙嶺山火之謎」引起熱話，當中被指是火災關鍵人物、生還者張潤衡，再度成為城中熱話。1996年的八仙嶺山火事件是香港史上最嚴重的山火之一，事發當日馮堯敬紀念中學一批學生到八仙嶺遠足，期間發生山火，五名師生遇難，十三人受傷，及後死因庭裁定死於意外。
96年八仙嶺山火成港史最嚴重山火之一
1996年的八仙嶺山火是香港史上最嚴重的山火意外之一，事發於1996年2月10日，事發地點是大埔八仙嶺。八仙嶺山火發生當日，是馮堯敬紀念中學中一年級學生遠足活動，最終事件導致3名學生及2名教師死亡。其後，死因裁判法庭1996年裁定「起因必屬人為，禍根源於學生吸煙或攜帶打火機」，但不肯定究竟是學生遺下未熄煙蒂或是玩火所致。
當時馮堯敬紀念中學的49名學生由5名老師帶領，參與該校地理學會及愛丁堡公爵獎勵計劃合辦的「金腳計劃」遠足活動。行程由漁農處船灣郊野公園遊客中心出發，經「馬騮崖」石壁登上八仙嶺仙姑峰後，取道衛奕信徑第9、10段，以粉嶺鶴藪為目的地。據悉當日相對濕度為30%以下，當時香港天文台發出紅色火災危險警告。
八仙嶺山火事發經過
事發當日約11時20分，師生行經距離仙姑峰峰頂150米處時，懷疑因為有人抽煙引起小火。學生鄭繼文表示，他目擊三至四名學生在小平原上休息時抽煙。當時他已經登上馬騮崖，在崖頂回頭望向山下其餘同行師生，約一分鐘後該處已着火，而另一名學生陳日暉亦看見小平原上有學生攜帶打火機。
其後火勢往山上蔓延，而下山道路被山火阻隔，各人向山上逃生，眾人須攀過「馬騮崖」石壁才能離開，周志齊、王秀媚老師殿後於崖下協助學生攀登。其中32人成功逃生，並返回出發地點求救；周王兩人協助大部分學生離開後不及攀登，與兩名學生葬身火海。
張潤衡被指是八仙嶺山火關鍵人物
張潤衡昨日在臉書「張潤衡 - 正在心理學」中正式發文回應事件，但其實在正式發文前，他已在上一個宣傳活動帖文中，於留言區中發長文回應多名網民疑問。其中有網留言表示：「平心而論，大家一直咁多年來有咁多質疑，主要係你態度同你面對傳媒對答引致。真相比你知道咁點！對你嚟講係係要move on.但係呢件事嘅家屬又好，大眾都好其實都希望知道件事嘅真相，可以learn from the mistake。可以的話，我都幾希望你睇睇方東昇主持個套真相猜情寻，感受受影響嘅家屬心路歷程。」
張潤衡強調被斷章取義
這個網民留言卻引起張潤衡再發千字文回應，他說：「其實嗰句說話我係比網絡cap圖出嚟斷章取義。我真係唔明啲乜嘢面對傳媒對答問題，我唔係一個受過公關訓練嘅公眾人物。」
張續說：「嗰陣時個訪問問我想唔想知道真相，我嗰一刻個腦都好混亂。你想我點答？（首先，係你哋認定係我做，但係我亦都確實話俾你聽嗰個唔係我）山火發生嗰陣，其實我係坐咗喺度玩 game boy，聽到老師叫我走，我就即刻走。我點樣知真相？我都唔知真相，我點樣回答？最近都有傳媒Cap返嗰陣時我講成段嘅說話，你鍾意嘅可以自己睇返，我淨係知道我人生入面唔係剩係得一段創傷，我仲有好多責任，所以我自己已經唔想再回望過去。」
另外張潤衡亦有正面回應網民著他欣賞《真相猜·情·尋》節目，他說：「我唔會睇佢呢個節目，呢個節目本身就係出於極唔尊重嘅情況發生。有好多鏡頭以外嘅嘢你哋唔知，正如我從來都冇應承過佢哋接受訪問，佢就夾硬喺個節目度話我應承咗佢。事實係嗰個李嘉嘉一開始打電話俾我，我已經拒絕咗。佢要約我傾幾句，得，我就約咗佢諗住傾幾句。點知佢帶晒成對人過嚟，完全事前冇通知過我。呢啲嘢你哋又知咩？」
張潤衡：為收視為流量啫
他續說：「OK，我照同佢哋講我嘅諗法，我亦都有同佢哋講清楚關於大家成日話我講嗰句，「真相⋯」嘅說話，亦都叫佢查清楚，睇返條影片我想表達啲乜嘢。然後就變成咗你哋睇到個節目，佢不停攞呢一句出嚟做soundbate。喺我角度睇，佢哋都係為收視為流量啫。我改變唔到，你哋點睇電視，但係從我角度嚟睇，你哋都係喺嗰幾十分鐘嘅節目入面，就好似覺得自己得到晒所有嘅資訊一樣，其實呢堆節目都係喺一個前提底下（留意番，節目入面班主持所問嘅問題，全部都係引導性㗎啦），令你哋嘅情緒側向一邊咋嘛。所以，我而家都係保持嗰個諗法㗎，真相？你哋真係想搵真相咩？我都有睇部份嘅留言，全部都係偏頗性嘅，大家只不過想搵個你哋睇唔順眼嘅人你攻擊吓啫。」除了以上一段留言外，張潤衡亦在該帖文的留言區中與不少網民舌劍唇槍，令該則帖文目前已有逾300多則留言。
TVB：秉持真實報道為原則
對於張潤衡的言論，TVB回覆傳媒時表示：「本台一向秉持真實報道為原則，節目亦按專業守則嚴謹製作，對於個別言論，本台不作進一步回應。」
