前TVB「失業女藝人」因一事被影壇大亨痛罵半粒鐘 自認溫室小花難抵負評：我嘅世界反轉咗
發佈時間：11:00 2025-08-03 HKT
現年38歲的前港姐季軍馬賽（現名馬菀迎）入行後憑天使面孔兼魔鬼身材俘虜不少粉絲，受到TVB力捧，拍過多齣膾炙人口的劇集，包括《當旺爸爸》、《名媛望族》、《神探高倫布》與及《東坡家事》等等，可惜在2014年爆出桃色新聞而跌至谷底，最後黯然離巢。移居內地發展的馬賽與富二代公婚後誕下女兒紀妍初（Camellia），近年有感女兒長大宣布轉型從商。
馬賽坦言這些年自己未有消失
曾自嘲稱「失業女藝人」的馬賽單拖推200斤貨來港擺攤。剛過了38歲生日的馬賽，日前在小紅書公開早年的工作照，她坦言這些年自己未有消失，只是專心照顧女兒，亦有內地拍戲，回望過去，她說：「祝自己開心不止現在 #我的人生閱歷 #奔四也可以很精彩 #人生不設限 #不被年齡束縛。」
相關閱讀：「失業女藝人」生活終見曙光 與最重要的人展開新一頁：是我最幸福的事
馬賽曾介意以前報道
馬賽近日亦有接受資深傳媒人汪曼玲的YouTube節目訪問，談到外界指神隱10年，馬賽笑說：「其實我冇神隱十年，只不過少返香港，因為我去咗北京9年， 網上關於我嘅流傳有好多， 可能我喺10年前嘅時候係好介意，亦都唔敢睇。我諗2014年係我最低谷嘅時候我，前幾日我執屋，由深圳搬到蛇口，睇返以前啲報道，望返轉頭原來呢12年上天畀咗我一個咁大嘅考驗，但係我接住咗，呢個係我人生好重要嘅階段。」馬賽還說：「其實大家唔知道，我真係溫室中嘅小花，我喺TVB嗰5年，好似困喺溫室，身邊又有好多保護你嘅人，有時順風順水嘅都會有些飄，覺得自己可揸主意，但其實社會係好險惡。後嚟我又抑鬱症過，接受咗一個好大嘅打擊，嗰一浪一打就打沉咗。」
馬賽情緒被西藥控制
馬賽續說：「嗰陣我唔知點解呢啲嘢會發生喺我身上，點解要搵我？出街嘅新聞我就唔講係真定假，但係喺我立場， 全部都唔係我睇到，我嘅世界反轉咗，我以為呢件事係咁，但係出嚟嘅結果又係另一樣嘢，嗰一刻你係會懷疑所有人，又會懷疑自己係精神有問題定係社會有問題，係好怕。」後來馬賽看精神科醫生：「我就覺得我瞓唔着覺，因為係聖誕節咪同二個朋友去咗西班牙旅行，但係完全瞓唔到覺。嗰個醫生開咗幾隻藥畀我，一嚟就6000蚊，使咗我幾萬蚊。二嚟我發現我完全依賴藥物，無論做緊乜，食咗藥就會瞓，有一次我忘記食藥，我成個人好驚，我發現我嘅情緒畀西藥控制，後來有朋介紹常霖法師畀我，我開始學禪修。」
相閱閱讀：前TVB女星突宣布做老闆 一度失業推200斤貨來港擺攤 曾捲醜聞形象插水
馬賽曾被古天樂鬧了30分鐘
後來馬賽有一次在飯局遇上古天樂，被他鬧了30分鐘：「佢當住10幾人面前鬧我，我諗冇一個鐘都有半個鐘，佢鬧我點解要離開香港？點解要喊？點解要咁軟弱 ？但係其實對於我嚟講，打擊真係好大，我諗任何一個女仔都唔容易承受。我唔係好明白佢嘅苦心，我係用咗很多年先明白，佢都係鼓勵我，想嚇醒我，只不過嗰陣仲未醒，只係想避。」
