前TVB「失业女艺人」因一事被影坛大亨痛骂半粒钟 自认温室小花难抵负评：我嘅世界反转咗
发布时间：19:30 2025-08-03 HKT
现年38岁的前港姐季军马赛（现名马菀迎）入行后凭天使面孔兼魔鬼身材俘虏不少粉丝，受到TVB力捧，拍过多出脍炙人口的剧集，包括《当旺爸爸》、《名媛望族》、《神探高伦布》与及《东坡家事》等等，可惜在2014年爆出桃色新闻而跌至谷底，最后黯然离巢。移居内地发展的马赛与富二代公婚后诞下女儿纪妍初（Camellia），近年有感女儿长大宣布转型从商。
马赛坦言这些年自己未有消失
曾自嘲称「失业女艺人」的马赛单拖推200斤货来港摆摊。刚过了38岁生日的马赛，日前在小红书公开早年的工作照，她坦言这些年自己未有消失，只是专心照顾女儿，亦有内地拍戏，回望过去，她说：「祝自己开心不止现在 #我的人生阅历 #奔四也可以很精彩 #人生不设限 #不被年龄束缚。」
相关阅读：「失业女艺人」生活终见曙光 与最重要的人展开新一页：是我最幸福的事
马赛曾介意以前报道
马赛近日亦有接受资深传媒人汪曼玲的YouTube节目访问，谈到外界指神隐10年，马赛笑说：「其实我冇神隐十年，只不过少返香港，因为我去咗北京9年， 网上关于我嘅流传有好多， 可能我喺10年前嘅时候系好介意，亦都唔敢睇。我谂2014年系我最低谷嘅时候我，前几日我执屋，由深圳搬到蛇口，睇返以前啲报道，望返转头原来呢12年上天畀咗我一个咁大嘅考验，但系我接住咗，呢个系我人生好重要嘅阶段。」马赛还说：「其实大家唔知道，我真系温室中嘅小花，我喺TVB𠮶5年，好似困喺温室，身边又有好多保护你嘅人，有时顺风顺水嘅都会有些飘，觉得自己可揸主意，但其实社会系好险恶。后嚟我又抑郁症过，接受咗一个好大嘅打击，𠮶一浪一打就打沉咗。」
马赛情绪被西药控制
马赛续说：「𠮶阵我唔知点解呢啲嘢会发生喺我身上，点解要揾我？出街嘅新闻我就唔讲系真定假，但系喺我立场， 全部都唔系我睇到，我嘅世界反转咗，我以为呢件事系咁，但系出嚟嘅结果又系另一样嘢，𠮶一刻你系会怀疑所有人，又会怀疑自己系精神有问题定系社会有问题，系好怕。」后来马赛看精神科医生：「我就觉得我瞓唔着觉，因为系圣诞节咪同二个朋友去咗西班牙旅行，但系完全瞓唔到觉。𠮶个医生开咗几只药畀我，一嚟就6000蚊，使咗我几万蚊。二嚟我发现我完全依赖药物，无论做紧乜，食咗药就会瞓，有一次我忘记食药，我成个人好惊，我发现我嘅情绪畀西药控制，后来有朋介绍常霖法师畀我，我开始学禅修。」
相阅阅读：前TVB女星突宣布做老板 一度失业推200斤货来港摆摊 曾卷丑闻形象插水
马赛曾被古天乐闹了30分钟
后来马赛有一次在饭局遇上古天乐，被他闹了30分钟：「佢当住10几人面前闹我，我谂冇一个钟都有半个钟，佢闹我点解要离开香港？点解要喊？点解要咁软弱 ？但系其实对于我嚟讲，打击真系好大，我谂任何一个女仔都唔容易承受。我唔系好明白佢嘅苦心，我系用咗很多年先明白，佢都系鼓励我，想吓醒我，只不过𠮶阵仲未醒，只系想避。」
