70年代麗的花旦息影轉行多年激罕現身 與名導拍咀戲生愛火 女星胞姊嫁入豪門癌逝8年
發佈時間：09:00 2025-08-03 HKT
70年代女星張美璉當年麗的電視藝員訓練班畢業後，先後參與多齣電視劇演出，包括《十大奇案》、《半生緣》、《追族》等，其後又加入綜藝節目如《貓頭鷹時間》、《著燈開飯睇電視》、《午間小敘》等，事業發展相當順利。其後遇上同是麗的電視藝人的宋豪輝，當時因為攝一場360度咀戲而有感覺。
張美璉息影專心相夫教女
當時二人都未有踏出第一步，直至1978年，宋豪輝去美國三藩市讀電影，情人節時寄了一張卡給張美璉，湊巧張美璉要去拉斯維加拍外景，於是相約在三藩市見面，結果宋豪輝把握機會向張美璉表白，兩人終於正式拍拖，二人在1983年結婚並育有2名女兒，張美璉息影專心相夫教女，一家四口幸福生活。
相關閱讀：張之珏胞妹張寶之偶遇舊拍檔宋豪輝夫婦 曾獲「香港公主」一頭銀絲風采依然
張美璉與宋豪輝婚後甚少現身
張美璉與宋豪輝婚後甚少現身於人前，日前夫婦二人出席好友蘇淑萍的生日派對，久違了的張美璉雖然星味不再，但臉上依然洋溢幸福的笑容，與老公坐在一起，勾起了不少昔日回憶。張美璉的胞姊是前藝人、珠寶商謝瑞麟的二太太張美琳，不過張美琳在2017年6月因胰臟癌病逝，妹妹張美璉曾說：「我而家先知道沉重的心…有幾咁重！I love you Sis，致我這生中最長的友誼，最開心的夥伴，最美麗善良的人，最相信我的人，I miss you so much Sis，See you in Heaven！」
張美璉受胞姊影響入行
張美璉當年胞姊的影響而入行：「我家姐係讀無綫第四期訓練班，成班同學每日返學之前就嚟我屋企排舞唱歌，黃杏秀、杜琪峯同潘嘉德成大班玩得好開心。我見到就好羨慕。」張美璉當時任職秘書，因工作太過苦悶經常在「瞌眼瞓」：「因為屋企人做電影行業，識得人知道當時麗的招收訓練班，就叫我去啦，點知我仲喺度扭計，於是佢就幫我報名。」張美璉訓練班未畢業就有演出機會，「麥當雄搵我拍《十大奇案》嘅《霧夜飛屍》，我嗰集係講一個日本女仔畀人呃咗嚟香港，最後被人掟咗落街，嗰陣拍得好辛苦，麥當雄一開工就係一個唔使食飯、唔識瞓覺嘅人，但係都值得，出嚟效果好好。」張美璉除了拍劇外，亦主持綜藝節目。
張美璉婚後退出幕前轉做婚紗生意
TVB訓練班出身的宋豪輝，畢業後曾參與《青春樂》、《歡樂今宵》、《朱門怨》及《永恆的春天》等，但在1975年約滿時跟隨鍾景輝過檔麗的，期間認識張美璉，二人因在《愛情故事》拍攝一場360度咀戲而有感覺，張美璉曾說：「嗰陣錫戲全部都係就位，但我哋嗰次要喺一個冇人嘅大球場拍真Kiss，仲要360度圍住轉。嗰時未開始拍拖，拍完之後突然有啲感覺喎，佢又似是疑非同你傾偈，搞到你輕飄飄感覺。」但二人仍未展開關係，直至1978年，宋豪輝去三藩市讀電影，情人節時寄了一張卡給張美璉，湊巧張美璉要去拉斯維加拍外景，心思思想試探對方反應，於是到三藩市見面，結果宋豪輝在一間餐廳表白，兩人終於正式拍拖，宋豪輝更將4年課程用3年時間讀完，連暑假都找學校讀書，希望拎夠學分畢業，早日與女友見面。張美璉和宋豪輝在1983年結婚並育有2名女兒，張美璉退出幕前轉做婚紗生意：「85年個女出世，我就諗住唔做幕前，要全職做個媽咪，所以退出咗娛樂圈，我嘅夢想係想湊大仔女有個幸福家庭，同埋成日覺得再做會做人哋阿媽喎，唔得喎、我唔做嗰啲角色，再加上我嘅性格係內向又好怕醜，咁多年都有個掙扎，覺得自己唔係好適合，生女時就想改變一吓。」
相關閱讀：70年代TVB女星罕談近況 曾為佘詩曼媽媽任伴娘 二大電視小生為贏得美人歸大打出手
