83歲粵劇名伶江雪鷺近況曝光 曾傳與梅雪詩不和親解急流勇退內情 胃部劇痛5個月看化人生
發佈時間：17:00 2025-08-03 HKT
83歲粵劇名伶江雪鷺（湯姐）退出舞台多年，近日激罕現身，出席粵樂大師劉建榮的生日晚宴。YouTube頻道「江駿傑 水馬人會館 Aphros Studio」日前上載訪問江雪鷺的影片，透露了江雪鷺的近況。
江雪鷺曾與梅雪詩傳不和
當年任劍輝、白雪仙（任白）為了培養新一代粵劇人才，成立「仙鳳鳴劇團」，挑選其中12位小生及花旦培訓，江雪鷺就是其中一位花旦，當年常與龍劍笙、林家聲、新馬師曾等合作。江雪鷺與梅雪詩、謝雪心都是專攻花旦崗位，龍劍笙、江雪鷺與梅雪詩當年經常一起演出，江雪鷺亦早已升上正印花旦，但有傳江雪鷺與同是花旦的梅雪詩不和，及後江雪鷺突然退出「仙鳳鳴劇團」，連江雪鷺在《紫釵記》的角色都改由尹飛燕代替。江雪鷺沉寂一段時間後，她曾在1978年復出並加入林家聲的「頌新聲」劇團，不過曝光量大不如前，漸漸淡出粵劇舞台。
相關閱讀：陳寶珠汪明荃伴97歲白雪仙精靈出山賀契女生日 三條珍珠鏈疊住戴 大大隻鑽戒勁搶fo
湯姐江雪鷺近況曝光？
江雪鷺失聲引退多年
江雪鷺日前接受「江駿傑 水馬人會館 Aphros Studio」訪問，親解當年引退原因其實是失聲，因此她早已不打算復出，她說：「失咗聲復咩出吖，唔得呀，我平喉都唔得呀，唔好講話子喉啦！平喉都唱唔到高，應該係聲帶疲勞啦，好多年喇，幾十年啦……因為我本身比較易喉嚨發炎，後來割咗扁桃腺，初期都唱得吓，但慢慢又唔得喇！咁即是個聲帶唔好囉，本身聲帶唔好……可能幫我割扁桃腺嗰陣，啲神經線……近個聲帶，可能又有影響。」
相關閱讀：鳳凰女遭徒弟爆被逼移美晚年唔開心 90年代癌逝留千萬遺產 遺物藏村屋落雨冇人理：好臭
龍劍笙近照激罕曝光？
江雪鷺退居幕後訓練新人
江雪鷺雖然淡出幕前多年，但一直在幕後貢獻粵劇界，幫助訓練新人。江雪鷺表示現年已83歲，加上早前經歷身體不適，更使她看化人生。她說：「我以前106磅嘅，瘦到得返80磅，我而家有84磅，肥返啲，面口好啲囉！」江雪鷺透露自己雖然不是早睡的人，不過作息規律，但早前可能因工作壓力影響，胃部劇痛5個月，到她完成手上工作後，年初才入院驗身。江雪鷺表示：「我幾驚係cancer呀……好在個醫12同我驗完之後就話，腸無瘜肉，個胃又冇幽門螺旋菌，咁咪好好囉！」再檢查其他身體器官都沒有大問題，只發現少量膽石。
相關閱讀：99歲「花旦王」芳艷芬近況曝光！被爆身體狀況 事業高峯嫁醫生做繼室為愛息影
江雪鷺面對身邊很多前輩、平輩都相繼離世，她表示：「呢啲每一個人都都避唔到，我試過呢次，痛咗我5個月，我真係睇透咗好多嘢，而家隨緣啦！唔好咁執着，唔好太認真，我做人真係太認真喇！」
粵劇老倌文千歲激罕現身？
