吳啟洋29歲生日前途未卜 P1X3L成環球棄將明年約滿ViuTV 續約問題上無發言權

更新時間：20:15 2025-08-02 HKT
發佈時間：20:15 2025-08-02 HKT

P1X3L成員吳啟洋（Phoebus）將於8月8日29歲生日，今日（2日）一眾粉絲特別為他在舉行生日會，提前慶祝。會上他跟粉絲們玩遊戲和唱歌，切完生日蛋糕，他表示生日願望是可以搵到「一間……」之後又改口表示希望工作順利，經濟環境好一點。

環球欲發展大灣區市場

受訪時，Phoebus指今早黑雨，擔心粉絲安全，有討論是否要取消生日會，幸而稍後所有雷暴警告除下。Phoebus表示生日願望是家人身體健康和世界和平，他爸爸已70多歲年紀大，最重要的是開心和健康。至於事業，他說不能勉強，同時承認P1X3L剛在七月，完成了與環球唱片的五年合約。問到為何不續約？他說公司意欲發展大灣區市場，又稱環球老細好錫P1X3L，叫他們努力加油。

P1X3L不會解散

Phoebus坦言自推出大碟，完成演唱會後，至今也沒有推出新歌，他認為跟時勢有關：「客觀講，唔淨止係公司問題，都有好多考量，我哋都好體諒公司，成個大環境都唔好，（到底有冇傾續約？）我哋情況好特別，因為我哋嘅經理人公司係Viu，係公司同公司之間傾。（咁即係被通知解約？）冇辦法，公司冇講未來音樂嘅發展，咁我哋就明。（覺得可惜？）呢段時間大家都花咗好多心機，有少少可惜，不過而家唔係終結，雖然未知未來係點，但P1X3L唔會解散。」