李芷晴遭《東周刊》獨家爆密會《女神》Jacob 親解私約打網球原因：係了解中

更新時間：18:22 2025-07-29 HKT
發佈時間：18:22 2025-07-29 HKT

最新一期《東周刊》獨家直擊李芷晴（Stephanie）密會《女神配對計劃》的求愛勇者林焌堯（Jacob），報導刊出後引起熱議。今日李芷晴以短訊回覆《星島頭條》：「我同Jacob係了解中嘅狀態，同我喺個節目上同組嘅其他成員一樣，都係了解中嘅，始終個節目仲未拍完，我都覺得唔好急、慢慢嚟，大家唔好咁心急啦。」

李芷晴讚Jacob純品：梗係有加分

李芷晴被問到 Jacob教她打網球會否加分？她說：「教我打網球梗係有加分啦！我暫時覺得佢幾好，個人好乖、好單純，同佢傾偈好舒服，不過係慢熱咗少少。其實我哋唔係約會，主要係呢排我有啲原因需要學打網球，咁啱Jacob打網球好叻，所以就請教下佢，當時現場仲有其他朋友㗎！唔係淨係得我哋兩個。」談到覺得Jacob值幾多分，她則謂不會畀分，覺得一個人不可以隨便被分數去定義。

李芷晴：我未夠愛自己

另外，李芷晴對於在節目上中感觸流淚擔心自己嫁不出，談到獲得Jacob力追毋需擔心？她解釋：「我唔係話驚冇人要我，因為我由細至大都好想搵一個Mr.Right，自問真係從來都唔介意任何條件，好相信一遇到嗰個人就會知道，係呢個人啦！但係其實會唔會根本冇呢個人呢？究竟乜嘢係feel呢？其實到頭嚟反思，可能我未夠愛自己，對自己冇自信，所以更加未有能力去愛其他人，所以我覺得呢個節目，都係我學習愛自己同埋更加了解自己嘅一個過程。」

↓立即下載星島頭條App↓