李芷晴遭《东周刊》独家爆密会《女神》Jacob 亲解私约打网球原因：系了解中
更新时间：18:22 2025-07-29 HKT
发布时间：18:22 2025-07-29 HKT
发布时间：18:22 2025-07-29 HKT
字体大小
最新一期《东周刊》独家直击李芷晴（Stephanie）密会《女神配对计划》的求爱勇者林焌尧（Jacob），报导刊出后引起热议。今日李芷晴以短讯回复《星岛头条》：「我同Jacob系了解中嘅状态，同我喺个节目上同组嘅其他成员一样，都系了解中嘅，始终个节目仲未拍完，我都觉得唔好急、慢慢嚟，大家唔好咁心急啦。」
李芷晴赞Jacob纯品：梗系有加分
李芷晴被问到 Jacob教她打网球会否加分？她说：「教我打网球梗系有加分啦！我暂时觉得佢几好，个人好乖、好单纯，同佢倾偈好舒服，不过系慢热咗少少。其实我哋唔系约会，主要系呢排我有啲原因需要学打网球，咁啱Jacob打网球好叻，所以就请教下佢，当时现场仲有其他朋友㗎！唔系净系得我哋两个。」谈到觉得Jacob值几多分，她则谓不会畀分，觉得一个人不可以随便被分数去定义。
李芷晴：我未够爱自己
另外，李芷晴对于在节目上中感触流泪担心自己嫁不出，谈到获得Jacob力追毋需担心？她解释：「我唔系话惊冇人要我，因为我由细至大都好想揾一个Mr.Right，自问真系从来都唔介意任何条件，好相信一遇到𠮶个人就会知道，系呢个人啦！但系其实会唔会根本冇呢个人呢？究竟乜嘢系feel呢？其实到头嚟反思，可能我未够爱自己，对自己冇自信，所以更加未有能力去爱其他人，所以我觉得呢个节目，都系我学习爱自己同埋更加了解自己嘅一个过程。」
