徐小鳳御用填詞人卡龍罕現身受訪 自爆誤服藥物手術後大出血：用咗人哋20包血
發佈時間：09:00 2025-07-27 HKT
80年代著名填詞人卡龍（葉漢良）入行曾任全職中文科教師，不過在同事的介紹下，加入CBS新力唱片（現為Sony Music）擔任藝人與音樂資產經理，但因參與製作了徐小鳳第二張專輯後，正式開始了填詞生涯，他筆下的作品包括張學友《輕撫你的臉》、蔡楓華《倩影》、徐小鳳《香江暖流》、關正傑《天籟…星河傳說》、張國榮《無形鎖扣》、陳百強及林珊珊《再見Puppy Love》等金曲。
年過70的葉漢良老態盡現
曾任職電台DJ及高層的葉漢良，還參與過不少幕前演出，當中包括有就有《三人世界》、《小男人周記》、《三人新世界》、《我老婆唔係人》、《天台的月光》、《晚9朝5》與及《我老婆唔係人》，到了2000年，葉漢良開始鑽研術數，並推出多本相關書籍，淡出幕前的葉漢良鮮有露面，4年前移居英國。日前文雋在YouTube頻道《文雋 講呢啲 講嗰啲 Man's Talk》上，罕有現身受訪，不過年過70的葉漢良老態盡現，與當年形截然不同。
相關閱讀：著名電影人被爆電台開咪險被打 揭29年前曾得罪陳百祥 直踩商台要求「隻揪」
葉漢良退隱後有30多年未做過視像訪問
文雋今次英國之旅主要是出席女兒畢業禮，順道找來移居英國的老友見面，葉漢良便是其中一人。原來葉漢良退隱後，已經有30多年未有做過視像的訪問，文雋笑稱大家對葉漢良的印象全部停留在《三人世界》的「小鬍子」黨：「我哋以前做過一本雜誌叫《最緊要好玩》，嗰陣我哋同埋阿旦（鄭丹端）成日古靈精怪。」葉漢良移居英國後，他笑言改變了身份：「喺香港冇做過『維園阿伯』，嚟咗英國之後去過咗好多公園做阿伯。」言談間透露早年做過不少 「維修」：「做完手術之後，提自己要行多啲，慢慢咪養成咗習慣，拎住部相機周圍。」葉漢良口中的「維修」，竟然是死過翻生的經歷。
相關閱讀：勁歌金曲｜逾40年歷史宣佈本周播最後一集 首代主持蔡楓華節目上串張國榮改變一生
葉漢良手術過後大量內出血
文雋稱在飯局期間驚聞葉漢良將醫院16包血全部用完，葉漢良說：「係自己有啲失誤，本來叫我唔好食某一種藥，要停一停先做手術，但我唔知點解反而食多咗，搞到做完手術之後隔咗一個鐘大量内出血要送回去，嗰次係危險，不過真係用咗人哋20包血，所以我而家身體係華洋雜處， 第一我係O型，只可以接受O型，所以我而家嘅血可能乜嘢國籍都有。」葉漢良現時過着退而不休的生活， 以寫作為主。在CBS工作期間，葉漢良與徐小鳳和蔡楓華合作最密切，當年《倩影》一曲，令蔡楓華事業上了高峯大，其後葉漢良因為覺得悶而轉型做電台。
