真相猜‧情‧尋丨翁靜晶受託「翻案」稱曾遇彭楚盈鬼魂 死者被指濫毒濫交：佢話唔識嗰3個道友
發佈時間：14:00 2025-07-25 HKT
彭楚盈／真相猜‧情‧尋／方東昇丨TVB全部新聞資訊節目《真相猜‧情‧尋》，昨晚（24日）播出全新個案「彭楚盈白骨案」。前模特兒彭楚盈的骸骨，於1999年10月於油麻地華德大廈一個單位內被發現，而此前彭楚盈已失聯四年。彭楚盈身處的單位屬於前政務司司長陳方安生兄長方曼生，二人曾有親密關係。彭楚盈的家人希望查出真相，就委託了律司翁靜晶去跟進事件，翁靜晶於2年前就於YouTube自家頻道講述此案，並稱曾見過彭楚盈的靈魂。
翁靜晶家中滋滋作響
翁靜晶表示於研訊期間，於上死因庭的前一天遇到怪事。翁靜晶早已被告之，翌日將有一位的士司機會前往死因庭作供，翁靜晶早一晚已預備相關文件，想好翌日要如何處理。但她想休息的時候，卻在家中聽到家中不斷滋滋作響：「我以為屋企漏電，所以就叫工人姐姐拔去不少電器的插蘇，但仍然有聲，我就知可能有古怪」。
翁靜晶指彭楚盈靈體向她顯靈
翁靜晶表示，當時她覺得可能遇上了靈體，而且直覺它就是彭楚盈，她想出了認證方法：「我同啲聲講，話如果我講嘅嘢係啱，你就嗞一聲，如果唔係就嗞兩聲。我當時問『你係唔係彭楚盈』，我收到嘅訊息係佢就係彭楚盈。」翁靜晶表示當時驚到頭皮發麻，並叫工人姐姐千萬不要走，因為翁靜晶需要傭人去證明自己不是「老作」見鬼。
相關閱讀：真相猜‧情‧尋丨彭楚盈案涉事人再現 86歲方曼生談當年情婦：好多都係「政治」 死者胞妹信有報應
彭楚盈靈體向翁靜晶通水會換證人
翁靜晶接着繼續同彭楚盈溝通，原來彭楚盈是想告訴翁靜晶，那位的士司機翌日不會上庭，3位道友將取而代之。翁靜晶表示，當時有關方面這樣做是出茅招，安排3位道友出庭，就是希望證明彭楚盈是一位濫毒濫交的人，但當時彭楚盈清楚告訴翁靜晶，她是不認識該3位道友。
相關閱讀：潘紹聰曾直擊「彭楚盈白骨案」單位 男租客見紅衣女鬼做詭異舉動 入住華德大廈後有運行？
翁靜晶指出現假證人
到第2天翁靜晶去到死因庭，果然的士司機沒有來，而換上了3位道友。他們指自己和彭楚盈好熟關係很好，並經常到彭楚盈的家一齊消遣。翁靜晶早知有此一着，最後證明了3位道友和彭楚盈根本並不認識。
相關閱讀：真相猜‧情‧尋丨99年彭楚盈白骨案疑點重重？死者胞妹受訪 陳方安生兄長方曼生回應成焦點
