真相猜‧情‧尋丨丁珮剖白與李小龍關係惹爭議 態度掀討論 網民：似曬命話人知畀巨星追過
發佈時間：20:27 2025-07-24 HKT
由方東昇、黃曉瑩、李嘉嘉擔任主持的TVB節目《真相猜‧情‧尋》於周一（21日）播出，打頭陣的「李小龍猝死之謎」播出後掀起了不少熱話，為求解開謎團，節目不單曝光了多份內部機密文件，還找來香港首位藥物敏感醫生李曦和衞生署法醫科前主任顧問醫生潘偉明，在兩大醫學權威綜合多份相關的驗屍報告及醫療記錄，重啟死因調查，推斷李小龍腦癇症致死。
網民普遍對丁珮的說話不接受
被譽為「可能是世界上最接近真相的人」的關鍵人物丁珮，在節目上激罕現身接受專訪，剖白與李小龍的關係，對於外界多年的指責，丁珮直言：「呢個世界梗係妒忌我，因為得我一個人得到李小龍，我唔想得到佢，但係我得到佢。」但網民普遍對丁珮的說話不接受，有人直言：「佢嘅態度令人反感」、「似曬命話人知畀巨星追過」。
相關閱讀：真相猜‧情‧尋丨丁珮回應世紀謎團 親揭隱瞞李小龍死亡地點真相 直指謠言非常幼稚：全世界妒忌我
丁珮抛金句剖白與李小龍關係
由於當年有傳媒查出李小龍由丁珮家中離開，二人的地下情曝光，丁珮由最初否認李小龍在自己家中昏迷，到後來與鄒文懷改口指李小龍來傾劇本，因李小龍死於香閨，令丁珮半世紀以來千夫所指，今次訪問上，丁珮親解李小龍死亡之夜謎團，再大抛金句剖白與李小龍關係。丁珮先後表示：「佢嘅死就係我嘅生，佢如果唔死就冇我今日，我唔會得道、我唔會認識自己、我唔會受咁多苦難」、「邊個叫我鍾意佢，邊個叫佢喜歡我，佢鍾意我先架嘛，佢如果唔鍾意我，就唔會有呢啲事喇嘛。」、「咁梗係佢追我喇，唔通我追佢呀？」、「成個世界都鍾意佢，我唔鍾意佢都唔正常啦，佢鍾意我，覺得我哋有緣，或者情人眼中出西施，人哋覺得我唔好，佢覺得我好。」為了報答昔日最愛李小龍「超級無敵有眼光」、「慧眼識英雄」，她一直努力做好自己，談到李小龍的離世，丁珮最終以15字真言總結：「呢個唔係你嘅意，唔係他嘅意，係天意！」
網民對於丁珮說法反應兩極
網民對於丁珮說法反應兩極，有人說：「雖然佢都好串，但又真係講得啱，李小龍嘅死真係天意嚟。」、「睇完呢集，好同情丁女士。」、「講真，係互相都喜歡對方，佢應該唔會加害李小龍既，同我覺得佢覺得委屈，過咗咁多年要代自己伸冤。」不過有人說：「做小三竟然仲咁理直氣壯。」、「壞女人一名！推御負任，好似一切是別人喜歡自己所致，發現唔醒，為何不立刻call白車，搞來搞去，都是自私的行為，怕事情通天，但最後………! 事隔幾十年，仲話信佛，嘥氣。」、「佢被人老屈咗幾十年，所以佢先會咁樣講嘢，體諒吓啦。」但有不少人似乎對丁珮的態度有暱異議：「丁小姐個名掛埋一齊真係李小龍先生光輝燦爛嘅日子唯一污點，不過可能當時都有快樂過，不過丁小姐啲態度⋯同埋佢對眼唔知想點」、「如果佢係一個真心愛李小龍嘅小三，52年後嘅今日，佢唔應該出嚟接受訪問」、「感覺佢自己高高在上，不可一世」；「第一代最強小三」、「仲好意思話自己光明正大，係呀，光明正大地做小三呀嘛，成個訪問佢都理直氣壯，一啲悔意都冇」。
相關閱讀：真相猜‧情‧尋丨「小龍女」丁珮激罕現身親解李小龍死亡之夜謎團 連環拋金句親訴二人關係
