何依婷認係幸福人妻：同物質無關 婚後演技蛻變獲讚全靠阿佘提點丨獨家
發佈時間：07:00 2025-07-24 HKT
31歲的何依婷（Regina）婚後首部劇集《執法者們》熱播，觀眾驚喜發現她的演技大幅進步，一改昔日「戲屎」標籤。從公屋出身的學霸到下嫁富二代老公成為幸福人妻，何依婷坦言婚後人生觀大變，不僅獲丈夫全力支持事業，更因女兒的誕生燃起鬥志。她分享與老公林生甜蜜相處：「佢好寵好支持我，令我覺得自己好有價值。」這些幸福遠勝物質。採訪：方騫平 攝影：林賓尼 場地：Tsim house company limited@金巴利道
TVB劇集《執法者們》中，何依婷與陳星妤逆齡扮演追夢女團成員，大跳改編版《CYA》舞步，展現青春活力。為呈現專業女團感，毫無舞蹈底子的何依婷瘋狂特訓，甚至扭傷腰骨需接受物理治療。其後劇情指兩人因揭發娛樂圈黑幕遭綁架，何依婷面臨「活摘器官」的驚悚場面。她回憶拍攝時躺在廢墟濕漉漉的榻榻米上：「拍完下半身濕晒，連底褲都濕埋，污糟邋遢，仲冇得沖身頂硬上。」十分專業。
自然流露感覺最真
而她演技蛻變也獲讚賞，何依婷坦言係開心嘅：「對我嚟講係一個好好嘅動力，我會繼續努力。」從《新聞女王》到《執法者們》，她學會細膩揣摩角色，擺脫過往「用力過猛」的問題，自爆演技進步的關鍵在於佘詩曼的指導：「之前合作拍《新聞女王》時佢教咗我好多嘢，尤其學會點樣去做功課，教曉演戲技巧，將所有嘢當做真實，情緒及感覺會自然流露，觀眾睇落都會覺得舒服啲，而唔係單純演一場戲。」何依婷對好前輩阿佘讚口不絕：「真係好好，叫我『有乜唔明可以隨時搵我！』之前睇返《新聞女王》場口，我都有致電請教過佢意見，究竟點樣去演出會更好呢？」
邊個唔鍾意買靚嘢
何依婷出身公屋，憑學霸背景考入香港城市大學，後參選港姐入行。2023年她與圈外富二代林姓男友結婚，婚後入住紅磡豪宅，生活質素躍升。談及「闊太」標籤，她笑言：「幸福唔係用物質定義嘅，就算生活得好好，但同另一半欠缺溝通嘅都得唔到幸福啦。」她透露與丈夫價值觀一致，凡事有商有量：「我哋嘅目標都係努力工作，以家庭為先，坦白講，邊個唔鍾意買靚嘢啫？以前出糧都會對自己好啲，買靚嘢獎勵自己，呢啲係努力嘅動力；𠵱家做咗媽媽之後反而少買咗包包，會諗多啲是否需要？會將啲錢留畀個女做教育基金。」
Cedric宣讀誓詞時，何依婷感動到眼濕濕。Cedric為何依婷掀起頭紗，兩人就幸福地在馬車接載下抵達教堂。兩人幸福地手牽手。兩人在煙花雨下擁吻，眾人手持花火祝福下作結，十分浪漫。
囡囡燃起了事業心
何依婷坦言老公好寵妻：「佢好支持我，包括精神上佢，唔會踩我，而係令我覺得自己好有價值，令到我覺得好滿足。」老公更支持依婷繼續演藝夢：「去年意外懷孕誕女，佢唔想我結婚生仔影響到我工作，佢好尊重我事業發展，更想我成為囡囡榜樣，學習一位女士如何追求夢想及人生？都希望佢將來成為開心有用嘅人，所以囡囡燃起我嘅事業心想做好啲，身教用努力換取成果。」因此，已同公司主動出擊提出有劇開就預埋她一份，跟公司表達了「好鍾意做嘢」的意願。丈夫甚至成了「頭號粉絲」。《執法者們》播出後，他嫌棄太太的跳舞鏡頭太少甜蜜投怨說：「你跳得好好睇，應該剪長一點！」成為母親後，她演戲反而更放得開，「唔再介意角色係咪討喜，個樣靚唔靚？」連親熱戲尺度也豁達許多，笑稱丈夫婚後「大方到唔睇」，與拍拖時「動輒吃醋」的模樣截然不同。 \
