東張西望丨66歲老婦YoYo為慾火眾叛親離 債主日日上門拖字訣叫報警 色心又起網上再交友：人係有唔開心

TVB《東張西望》昨晚（22日）播出的一集，講述66歲家庭主婦YoYo在今年一月份被一名自稱是電腦精算師的熟男「陳樂林」迷倒，令YoYo迅速解封多年情感的禁區，雖然姨甥女已經查明是騙案，但執迷不悔的YoYo依然懶理不斷燒銀紙，最後YoYo欠一下一身巨債，又被債主追債，生不如死的YoYo更為此斷六親。

YoYo為了與「陳樂林」見面刻意扮靚

今晚（23日）繼續跟進事件，YoYo為了與「陳樂林」見面，刻意買了一套看起來年輕些的靚衫：「着咗佢，令自己睇落春青啲、靚啲。」YoYo的親人逐個離開，但債主日日上門，但YoYo「賴皮」地說：「我有就梗係畀你，但係而家冇，膝頭對上係大髀，我切咗忽肉畀你囉，但係而家髀都冇肉，咁點畀？」甚至YoYo表示不會外出工作還錢：「而家做人都唔掂，仲話做嘢。」

相關閱讀：東張西望丨66歲老婦YoYo被一張性器官相解封情感的禁區 慾火焚身甘為型男獻上全副身家：真係心花怒放

YoYo零收入無力償還債務

一心與「陳樂林」網戀的YoYo遇上愛情陷阱，結果25萬身家被騙，她還不停籌錢，四出問朋友借錢，其後又去財務公司借錢：「財務借咗35000，每個月還3617，總共還12個月，但係我冇收入，靠老公嗰7000蚊家用，生活費都要喇，就算日日食白飯咸魚青菜，都係要錢，我點樣還錢畀財務？我而家真係唔知點還。」YoYo在訪問完不久，收到財務公司的電話，YoYo表明沒有錢，被網騙騙去 金錢，不過YoYo稱沒辦法還，接着再收到追數電話。YoYo本身有個在廣州生活的妹妹，她決定打給妹妹救急，不過妹妹說：「我想幫你，我發覺你畀人呃咗10幾萬，我叫你唔好再畀錢對方，但係你鬧我，話我害你個老公，個個都想你老公遭殃。你都60幾歲，仲搞埋呢啲嘢？你愛我、我愛你，你仲有個老公喺度，而家好喇，條數越嚟越大，夾埋25萬，我同你講都想你好，你係我家姐，係咪呀？」YoYo的妹妹續說：「但係你鬧我哋去死，又咒我哋生癌，我都唔知點解有呢個家姐。（如果佢YoYo肯認錯，會唔會幫佢？）我係解決唔到呢啲錢嘅問題，你唔聽我哋講，咁樣畀人呃，係你嘅事，你而家叫我點做呀？點樣幫？幫乜嘢，你唔好再打親情牌，我哋有我嘅生活，100個冇辦法，係絕對冇能力。」YoYo似乎死不悔改並說：「我真係無語，我錯都冇用，人哋都唔接受，你都聽到佢嘅語氣，（你咒人哋生癌同死）咁咒我、我咪咒你，佢叫我跳樓，你話我，我咪話返你呢個必然。」

YoYo感情甚好的姨甥女關係決裂

向來與YoYo感情甚好的姨甥女亦說：「一開始我都想幫佢，提佢畀人呃緊，佢開頭都鬧咗我幾次，咒我呢樣、咒我嗰樣，又用粗口鬧我，我都算喇，諗住佢係長輩。」YoYo立即鬧爆姨甥女，直斥對方亦有用粗口鬧自己，姨甥女即說：「我只係講過一次粗口鬧你，嗰次我係好嬲，我係趕住去做手術，但係我都不停同你分析。你唔好話唔同我坳，講清楚我點解會鬧你。我都講呢啲唔係真，但係你不停為個騙子講嘢，我係好嬲咁講咗：『你真係正豬X，蠢到咁』，其他粗口我都冇講過一句，我真係敢對天發誓。」YoYo繼續發爛：「你睇下佢點對我？我係佢姨媽，都60幾歲，你一個𡃁妹咁嚟鬧我，我話係親人，你都唔信。」姨甥女再說：「你鍾意點講就點講，就算係唔係長輩，做得唔啱人哋提醒你。（輝仔：佢話佢覺醒咗）覺醒咗咪同屋企人道歉，不過唔係做呢樣嘢，鬧咗佢咁多次，本性難移。」

YoYo的親人逐個離開

YoYo的親人逐個離開，但債主日日上門，YoYo與《東張》攝製隊落樓，已經撞到債主鄰居，YoYo「賴皮」地說：「我有就梗係畀你，但係而家冇，膝頭對上係大髀，我切咗忽肉畀你囉，但係而家髀都冇肉，咁點畀？我都叫佢報警，我都報咗警，我都係畀人呃，我自己跳樓都唔掂。」與YoYo「有名冇實」的老公亦接受電話訪問：「我都同佢講咗好多次，但係佢都聽唔入耳，今年貴庚呀？67歲呀，唔係17歲，我解釋咗畀佢聽，佢發爛渣，我話你唔係貪心，貪人哋靚仔，點會叫人哋做老公？我都想知道。佢話好隨便叫吓，我咪話咁我叫人哋做老婆得唔得？我梗係冇儲蓄，如果有一早同佢還咗，我都爭人錢，自己都要錢，我都係因為佢先爭人錢，我借咗人哋3萬幾，都要還畀人，無能為力，上嚟淋紅油，咪報案囉，呢啲都要習慣下。我陪佢攞藥、睇醫生，以前點衰都還晒喇，我都70幾歲，我冇可能再同佢一齊，我都受夠。」

YoYo又再次在網上識朋友

至於有否計劃外出工作還錢，YoYo繼續「賴皮」地說：「我點樣做啫？我食咗個人都wing吓wing吓，行路都唔掂，仲做嘢？人哋都唔會收你啲精神科，都好多年，而家做人都唔掂，仲話做嘢。」YoYo曾再致電給「陳樂林」，但電話已經未有再接通，YoYo說：「我而家覺得佢衰到不得了，我話佢不得好死，死無葬身之地，我以後會帶眼識人，唔會再喺呢啲平台識埋啲亂七八糟嘅人。」訪問後《東張》再收到YoYo的訊息，原來她又再次在網上識朋友：「我喺faceboo搵到王明傑嘅相，咪撳入去同佢傾偈，佢自己澄清話一路喺內地生活，冇談過戀愛同結婚，我唔理佢真定假，我又唔係要同佢做人世，唔係『樁』個頭埋去，而係我咁嘅情況，有個人同我傾下偈咪，個個都當我仇人一樣，咁我搵邊個傾訴？人係有唔開心，尤其係我畀人呃晒啲，更加唔開心，直頭想死，我乜都冇，仲可以殺啲乜？」