东张西望丨66岁老妇YoYo为欲火众叛亲离 债主日日上门拖字诀叫报警 色心又起网上再交友：人系有唔开心

TVB《东张西望》昨晚（22日）播出的一集，讲述66岁家庭主妇YoYo在今年一月份被一名自称是电脑精算师的熟男「陈乐林」迷倒，令YoYo迅速解封多年情感的禁区，虽然姨甥女已经查明是骗案，但执迷不悔的YoYo依然懒理不断烧银纸，最后YoYo欠一下一身巨债，又被债主追债，生不如死的YoYo更为此断六亲。

YoYo为了与「陈乐林」见面刻意扮靓

今晚（23日）继续跟进事件，YoYo为了与「陈乐林」见面，刻意买了一套看起来年轻些的靓衫：「着咗佢，令自己睇落春青啲、靓啲。」YoYo的亲人逐个离开，但债主日日上门，但YoYo「赖皮」地说：「我有就梗系畀你，但系而家冇，膝头对上系大髀，我切咗忽肉畀你啰，但系而家髀都冇肉，咁点畀？」甚至YoYo表示不会外出工作还钱：「而家做人都唔掂，仲话做嘢。」

相关阅读：东张西望丨66岁老妇YoYo被一张性器官相解封情感的禁区 欲火焚身甘为型男献上全副身家：真系心花怒放

YoYo零收入无力偿还债务

一心与「陈乐林」网恋的YoYo遇上爱情陷阱，结果25万身家被骗，她还不停筹钱，四出问朋友借钱，其后又去财务公司借钱：「财务借咗35000，每个月还3617，总共还12个月，但系我冇收入，靠老公𠮶7000蚊家用，生活费都要喇，就算日日食白饭咸鱼青菜，都系要钱，我点样还钱畀财务？我而家真系唔知点还。」YoYo在访问完不久，收到财务公司的电话，YoYo表明没有钱，被网骗骗去 金钱，不过YoYo称没办法还，接着再收到追数电话。YoYo本身有个在广州生活的妹妹，她决定打给妹妹救急，不过妹妹说：「我想帮你，我发觉你畀人呃咗10几万，我叫你唔好再畀钱对方，但系你闹我，话我害你个老公，个个都想你老公遭殃。你都60几岁，仲搞埋呢啲嘢？你爱我、我爱你，你仲有个老公喺度，而家好喇，条数越嚟越大，夹埋25万，我同你讲都想你好，你系我家姐，系咪呀？」YoYo的妹妹续说：「但系你闹我哋去死，又咒我哋生癌，我都唔知点解有呢个家姐。（如果佢YoYo肯认错，会唔会帮佢？）我系解决唔到呢啲钱嘅问题，你唔听我哋讲，咁样畀人呃，系你嘅事，你而家叫我点做呀？点样帮？帮乜嘢，你唔好再打亲情牌，我哋有我嘅生活，100个冇办法，系绝对冇能力。」YoYo似乎死不悔改并说：「我真系无语，我错都冇用，人哋都唔接受，你都听到佢嘅语气，（你咒人哋生癌同死）咁咒我、我咪咒你，佢叫我跳楼，你话我，我咪话返你呢个必然。」

YoYo感情甚好的姨甥女关系决裂

向来与YoYo感情甚好的姨甥女亦说：「一开始我都想帮佢，提佢畀人呃紧，佢开头都闹咗我几次，咒我呢样、咒我𠮶样，又用粗口闹我，我都算喇，谂住佢系长辈。」YoYo立即闹爆姨甥女，直斥对方亦有用粗口闹自己，姨甥女即说：「我只系讲过一次粗口闹你，𠮶次我系好嬲，我系赶住去做手术，但系我都不停同你分析。你唔好话唔同我坳，讲清楚我点解会闹你。我都讲呢啲唔系真，但系你不停为个骗子讲嘢，我系好嬲咁讲咗：『你真系正猪X，蠢到咁』，其他粗口我都冇讲过一句，我真系敢对天发誓。」YoYo继续发烂：「你睇下佢点对我？我系佢姨妈，都60几岁，你一个𡃁妹咁嚟闹我，我话系亲人，你都唔信。」姨甥女再说：「你钟意点讲就点讲，就算系唔系长辈，做得唔啱人哋提醒你。（辉仔：佢话佢觉醒咗）觉醒咗咪同屋企人道歉，不过唔系做呢样嘢，闹咗佢咁多次，本性难移。」

YoYo的亲人逐个离开

YoYo的亲人逐个离开，但债主日日上门，YoYo与《东张》摄制队落楼，已经撞到债主邻居，YoYo「赖皮」地说：「我有就梗系畀你，但系而家冇，膝头对上系大髀，我切咗忽肉畀你啰，但系而家髀都冇肉，咁点畀？我都叫佢报警，我都报咗警，我都系畀人呃，我自己跳楼都唔掂。」与YoYo「有名冇实」的老公亦接受电话访问：「我都同佢讲咗好多次，但系佢都听唔入耳，今年贵庚呀？67岁呀，唔系17岁，我解释咗畀佢听，佢发烂渣，我话你唔系贪心，贪人哋靓仔，点会叫人哋做老公？我都想知道。佢话好随便叫吓，我咪话咁我叫人哋做老婆得唔得？我梗系冇储蓄，如果有一早同佢还咗，我都争人钱，自己都要钱，我都系因为佢先争人钱，我借咗人哋3万几，都要还畀人，无能为力，上嚟淋红油，咪报案啰，呢啲都要习惯下。我陪佢攞药、睇医生，以前点衰都还晒喇，我都70几岁，我冇可能再同佢一齐，我都受够。」

YoYo又再次在网上识朋友

至于有否计划外出工作还钱，YoYo继续「赖皮」地说：「我点样做啫？我食咗个人都wing吓wing吓，行路都唔掂，仲做嘢？人哋都唔会收你啲精神科，都好多年，而家做人都唔掂，仲话做嘢。」YoYo曾再致电给「陈乐林」，但电话已经未有再接通，YoYo说：「我而家觉得佢衰到不得了，我话佢不得好死，死无葬身之地，我以后会带眼识人，唔会再喺呢啲平台识埋啲乱七八糟嘅人。」访问后《东张》再收到YoYo的讯息，原来她又再次在网上识朋友：「我喺faceboo揾到王明杰嘅相，咪揿入去同佢倾偈，佢自己澄清话一路喺内地生活，冇谈过恋爱同结婚，我唔理佢真定假，我又唔系要同佢做人世，唔系『桩』个头埋去，而系我咁嘅情况，有个人同我倾下偈咪，个个都当我仇人一样，咁我揾边个倾诉？人系有唔开心，尤其系我畀人呃晒啲，更加唔开心，直头想死，我乜都冇，仲可以杀啲乜？」