東張西望丨66歲老婦YoYo被一張性器官相解封情感的禁區 慾火焚身甘為型男獻上全副身家：真係心花怒放
發佈時間：21:45 2025-07-22 HKT
TVB《東張西望》今晚（22日）播出的一集，講述66歲家庭主婦YoYo疑疑被電騙。報道稱在今年一月份，有一名自稱是電腦精算師的熟男接觸她，令YoYo迅速解封多年情感的禁區。YoYo稱當時有一名在1979年出生於湖南長沙叫陳樂林的男士接觸她：「佢靚到『dum』一聲，比明星仲要靚仔，首先皮膚白靜，呢個一嚟，我成個人的呆咗。」
YoYo執迷不悔不斷燒銀紙為此斷六親
雖然姨甥女已經查明是騙案，不過執迷不悔的YoYo不斷燒銀紙：「我總共拎咗50幾萬出嚟，我想拎返跟住佢好多藉口，又話交稅、交乜費，我又去籌錢，籌到入去又去VIP排隊，話畀2萬幾會快啲拎到，點知又係冇，仲話我涉嫌洗黑錢，就算我拎唔晒啲錢，都想拎返幾萬。」最後YoYo欠一下一身巨債，試過被債主追債：「我而家真係生不如死。」YoYo更為此斷六親。
相關閱讀：東張西望丨苦主懷疑遭買兇越洋索命向《東張》求助 洗車僱員變「替死鬼」傷勢嚴重
YoYo曾質疑對方為何會鍾意自己
主持輝仔問YoYo：「有冇諗過呢個靚仔點會鍾意妳？」YoYo說：「我都有問自己，佢又有車又有樓，又後生咁靚仔，有乜可能鍾意我？但係佢成日話歲數只係數字，唔係問題，妳冇判斷力咩？跟住我諗吓，我都幾十歲，自己嘅幸福梗係要自己爭取搵。」接着對方傳送了身份證副本給YoYo，但YoYo當時反問：「張身份證係假喎，張相係佢貼上去。」二人傾談期間，對方不時傳送短片給YoYo，不過見樣永遠都聽不到聲音，而日常工作的片段，亦不會露面。YoYo亦提供了一段有男方聲音但未見樣的短片，對方以老婆來稱呼YoYo：「老婆，你看一下，這是新葡京樓上的風景，我剛洗完澡出來，看這個風景漂不漂亮？」但YoYo的情深對話，亦只有對着黑畫面來說。
陳樂林出動性器官相令YoYo慾火焚身
YoYo稱對方指手機跌了入浴缸，撞爆了鏡頭：「佢話所以我係睇唔到佢個樣，我咪信咗佢。」為了加深YoYo對自己的信任，這男子不時用咀嘴的emojis來氹她，結果搞到YoYo迷失理性，不求真理，再加上出動私人秘密武器，搞到YoYo難以招架：「佢發咗一張性器官嘅相畀我，講到我真係心花怒放，我睇完之後，唉，我死喇，慾火焚身，你知喇，我哋女人，我已經係，我可以話好多年都冇呢回事，咁所以係咪好渴望，咁如果佢真人真係同你咁樣，咁你係咪好開心？所以咪一步一步聽佢講。」YoYo在節目上亦有提及婚姻狀況，原來她與丈夫早已分床瞓：「我哋分床瞓已經20幾年，（有名無實？）可以咁講，同佢只不過係同一屋簷下嘅朋友，印象分已經係冇晒，係冇可能再走落去。（陳樂林事件老公知唔知？）佢話唔想知道我啲嘢，叫我唔使同佢講，佢剩係聽到我夜晩同佢講電話，話我既然叫得佢（陳樂林）做老公，即係想同人哋一齊生活？又話我覺得人哋後生又有錢。」
完全麻目的YoYo堅持與對方一齊
不過完全麻目的YoYo堅持與對方一齊：「陳樂林乜嘢都好，發相、發乜畀我都好，我每一次都截圖畀我姨甥女，搵到嗰個人係王明傑，佢話呢個所謂嘅陳樂林，拎咗王明杰嘅視頻同埋啲相，根本呢係王明傑嘅本人，而唔係佢，王明傑係一個整容師，係喺抖音開直播。」YoYo的姨甥女亦有怒斥姨媽的行為：「網詐、電詐啲人點會露面？根本唔可能畀樣你睇，佢唔驚你報警拉佢咩？阿豬阿狗都拎王明傑嘅相同短片呃人。」原來受害者不止YoYo一人，在抖音上有不少王明傑網絡呃人騙財的報道，苦主一蘿蘿，姨甥女亦在社交網上找到不少YoYo的同道中人，這受害者亦說：「我跟你的男朋友確實是二個人，他用相片發給我們二個人，既然是二個人，為何會長得一模一樣？就是這個人有問題。」YoYo再說：「佢同我姨甥女講，呢個『陳樂林』係假，仲去咗油麻地警署報案，嗰個人畀佢呃咗40幾萬。」
YoYo不斷燒銀紙總共拎咗50幾萬
真正的王明傑亦找來律師在網上發聲明，再加上真人發聲以清白。其後YoYo向陳樂林了解，殊不知一個電話，竟將所有疑慮抛諸腦後，對方承諾工作過後會來看她：「我又同姨甥女講，姨甥女話人哋有40幾萬粉絲，使唔使澄盜用佢嘅帳號？叫我唔好信，但係我覺得你講得啱咪聽你講，我係佢姨媽，仲要用粗口鬧我。」直到今年3月，陳樂林傳送了一條博彩連結給YoYo：「我擺咗3000蚊變咗5000蚊，講講吓爆咗我啱啱做咗利息，喺銀行有10零萬，佢就話放喺銀行好少，叫我放入去呢度，起碼賺幾萬蚊，咁我又信，真係好蠢去仆去銀行，將銀行定期嗰16萬拎出嚟，轉入去連結度。」結果YoYo不斷燒銀紙：「我總共拎咗50幾萬出嚟，我想拎返跟住佢好多藉口，又話交稅、交乜費，我又去籌錢，籌到入去又去VIP排隊，話畀2萬幾會快啲拎到，點知又係冇，仲話我涉嫌洗黑錢。」最後YoYo事態發展如何？明晚《東張》播下一集。
