东张西望丨66岁老妇YoYo被一张性器官相解封情感的禁区 欲火焚身甘为型男献上全副身家：真系心花怒放
发布时间：21:45 2025-07-22 HKT
TVB《东张西望》今晚（22日）播出的一集，讲述66岁家庭主妇YoYo疑疑被电骗。报道称在今年一月份，有一名自称是电脑精算师的熟男接触她，令YoYo迅速解封多年情感的禁区。YoYo称当时有一名在1979年出生于湖南长沙叫陈乐林的男士接触她：「佢靓到『dum』一声，比明星仲要靓仔，首先皮肤白静，呢个一嚟，我成个人的呆咗。」
YoYo执迷不悔不断烧银纸为此断六亲
虽然姨甥女已经查明是骗案，不过执迷不悔的YoYo不断烧银纸：「我总共拎咗50几万出嚟，我想拎返跟住佢好多借口，又话交税、交乜费，我又去筹钱，筹到入去又去VIP排队，话畀2万几会快啲拎到，点知又系冇，仲话我涉嫌洗黑钱，就算我拎唔晒啲钱，都想拎返几万。」最后YoYo欠一下一身巨债，试过被债主追债：「我而家真系生不如死。」YoYo更为此断六亲。
相关阅读：东张西望丨苦主怀疑遭买凶越洋索命向《东张》求助 洗车雇员变「替死鬼」伤势严重
YoYo曾质疑对方为何会钟意自己
主持辉仔问YoYo：「有冇谂过呢个靓仔点会钟意妳？」YoYo说：「我都有问自己，佢又有车又有楼，又后生咁靓仔，有乜可能钟意我？但系佢成日话岁数只系数字，唔系问题，妳冇判断力咩？跟住我谂吓，我都几十岁，自己嘅幸福梗系要自己争取揾。」接着对方传送了身份证副本给YoYo，但YoYo当时反问：「张身份证系假㖞，张相系佢贴上去。」二人倾谈期间，对方不时传送短片给YoYo，不过见样永远都听不到声音，而日常工作的片段，亦不会露面。YoYo亦提供了一段有男方声音但未见样的短片，对方以老婆来称呼YoYo：「老婆，你看一下，这是新葡京楼上的风景，我刚洗完澡出来，看这个风景漂不漂亮？」但YoYo的情深对话，亦只有对着黑画面来说。
陈乐林出动性器官相令YoYo欲火焚身
YoYo称对方指手机跌了入浴缸，撞爆了镜头：「佢话所以我系睇唔到佢个样，我咪信咗佢。」为了加深YoYo对自己的信任，这男子不时用咀嘴的emojis来氹她，结果搞到YoYo迷失理性，不求真理，再加上出动私人秘密武器，搞到YoYo难以招架：「佢发咗一张性器官嘅相畀我，讲到我真系心花怒放，我睇完之后，唉，我死喇，欲火焚身，你知喇，我哋女人，我已经系，我可以话好多年都冇呢回事，咁所以系咪好渴望，咁如果佢真人真系同你咁样，咁你系咪好开心？所以咪一步一步听佢讲。」YoYo在节目上亦有提及婚姻状况，原来她与丈夫早已分床瞓：「我哋分床瞓已经20几年，（有名无实？）可以咁讲，同佢只不过系同一屋簷下嘅朋友，印象分已经系冇晒，系冇可能再走落去。（陈乐林事件老公知唔知？）佢话唔想知道我啲嘢，叫我唔使同佢讲，佢剩系听到我夜晩同佢讲电话，话我既然叫得佢（陈乐林）做老公，即系想同人哋一齐生活？又话我觉得人哋后生又有钱。」
完全麻目的YoYo坚持与对方一齐
不过完全麻目的YoYo坚持与对方一齐：「陈乐林乜嘢都好，发相、发乜畀我都好，我每一次都截图畀我姨甥女，揾到𠮶个人系王明杰，佢话呢个所谓嘅陈乐林，拎咗王明杰嘅视频同埋啲相，根本呢系王明杰嘅本人，而唔系佢，王明杰系一个整容师，系喺抖音开直播。」YoYo的姨甥女亦有怒斥姨妈的行为：「网诈、电诈啲人点会露面？根本唔可能畀样你睇，佢唔惊你报警拉佢咩？阿猪阿狗都拎王明杰嘅相同短片呃人。」原来受害者不止YoYo一人，在抖音上有不少王明杰网络呃人骗财的报道，苦主一萝萝，姨甥女亦在社交网上找到不少YoYo的同道中人，这受害者亦说：「我跟你的男朋友确实是二个人，他用相片发给我们二个人，既然是二个人，为何会长得一模一样？就是这个人有问题。」YoYo再说：「佢同我姨甥女讲，呢个『陈乐林』系假，仲去咗油麻地警署报案，𠮶个人畀佢呃咗40几万。」
YoYo不断烧银纸总共拎咗50几万
真正的王明杰亦找来律师在网上发声明，再加上真人发声以清白。其后YoYo向陈乐林了解，殊不知一个电话，竟将所有疑虑抛诸脑后，对方承诺工作过后会来看她：「我又同姨甥女讲，姨甥女话人哋有40几万粉丝，使唔使澄盗用佢嘅帐号？叫我唔好信，但系我觉得你讲得啱咪听你讲，我系佢姨妈，仲要用粗口闹我。」直到今年3月，陈乐林传送了一条博彩连结给YoYo：「我摆咗3000蚊变咗5000蚊，讲讲吓爆咗我啱啱做咗利息，喺银行有10零万，佢就话放喺银行好少，叫我放入去呢度，起码赚几万蚊，咁我又信，真系好蠢去仆去银行，将银行定期𠮶16万拎出嚟，转入去连结度。」结果YoYo不断烧银纸：「我总共拎咗50几万出嚟，我想拎返跟住佢好多借口，又话交税、交乜费，我又去筹钱，筹到入去又去VIP排队，话畀2万几会快啲拎到，点知又系冇，仲话我涉嫌洗黑钱。」最后YoYo事态发展如何？明晚《东张》播下一集。
