ERROR帶埋ROVER去踢波丨亨仔被希晉釘鞋踩腳面淒厲慘叫肥仔以一招海獅頂球成實力擔當

更新時間：16:45 2025-06-27 HKT
發佈時間：16:45 2025-06-27 HKT

ViuTV節目《ERROR帶埋ROVER去踢波》逢星期六晚上8時播放。上一季感受到踢波喜悅的ERROR，今次會將快樂足球傳承下去，訓練ROVER 4位成員：亨仔、Jason Loi、Kim和希晉成為接班人，提升大家的快樂指數。明晚（28日）播出的一集，由ERROR、ROVER連同賽馬會青少年足球領袖計劃兩位青少年領袖Chilam、Joseph，以及賽馬會學界足球發展計劃老師Alex和招Sir分別組成的3隊人馬迎來最終回的足球比賽大激鬥。

希晉嗰隊好蠱惑！

在遊戲「馬騮搶球」中，3隊分別要用接力方法，鬥快將場中間的足球搶回自己陣地。為求勝出，各隊出盡茅招，亨仔更加投訴：「希晉嗰隊好蠱惑啦，喺度阻住我攞波，仲要希晉一嘢釘鞋踩落我腳面囉。」怪難比賽一開始便聽見亨仔淒厲地慘叫：「好痛呀！」。

阿Dee跟Tim大演狗血劇

至於Kim和193因不約而同地腰部受傷，所以193決定交由Chilam一人跑去搶波。對於193這個策略，入世未深的Chilam竟然大表認同：「三爺呢個戰術係好成功㗎，佢畀到好大信心我，令到我可以跑得更加快。」而阿Dee則選擇跟Tim大演一場狗血劇，扮有義氣地極力阻止受傷的Kim去搶波。

阿Dee重現鳳凰不死鳥

之後的「頭槌轉幾圈」遊戲中，每人要輪流用頭槌頂足球，令足球轉圈。《肥Dee隊》可以說是攪笑和實力兼備。先有阿Dee以鳳凰不死鳥姿態強勁一頂，看似轉到兩個圈，但實際卻是偷偷用手頂球，結果被Foul收場。之後希晉就更加厲害，只見他雙手交叉放在胸前，望也不望地一路向前衝，最後竟然連個波都掂唔到，大家即時笑到收唔到聲，連攪笑老手阿Dee也甘拜下風：「點估到你咁攪笑㗎！」而實力就由肥仔擔當，以一招海獅頂球絕技加上鐵頭功，完美落地，成功令足球轉到兩個圈。

↓立即下載星島頭條App↓