黃夏蕙經勸阻承諾退還過渡屋 《東周刊》爆靠長生津生活 子女怒揭窮到燶內情丨獨家
發佈時間：07:00 2025-06-20 HKT
94歲「頭炷香KOL」黃夏蕙（夏蕙BB）晚年蝸居新田160呎過渡屋、靠每月4,195元長生津度日的生活經《東周刊》揭露後，事件迎來溫暖轉機。夏蕙BB的經理人「小肥豬」Simon透露，報道刊出後，她的6名子女才驚悉母親的困境，立刻主動提出增加生活費，承諾確保母親晚年生活安穩無憂，並勸她退掉過渡屋單位，留給更有需要的人。夏蕙BB經過反省後承諾：「我承認當初申請時太衝動，會盡快辦理退租手續。」採訪：娛樂組
回顧夏蕙BB的一生相當傳奇，年輕時與富豪律師胡百全相戀的黃夏蕙，雖無名份仍為他誕下6子女，曾居跑馬地豪宅、月耗30萬家用，過著傭人簇擁的闊太生活。2008年胡百全離世成命運轉折點，BB不僅頓失經濟支柱，更遭損友騙走西貢匡湖居物業業權，一度無家可歸寄宿按摩店「骨場」。 即便1983年與「香港賽車之父」潘炳烈再婚，但男方堅決返美生活，晚年天各一方。她曾申請法援追討胡百全父親的遺產信託基金，卻因非受益人且追討期過長遭拒，淪為「無資產、無積蓄、無依靠」三無長者。
子女震怒揭驚人真相
經理人Simon揭開了夏蕙BB「堅窮」的驚人內幕：「其實6名子女一直有畀生活費，但BB全挪去營運『夏蕙慈善基金』，又用生活費援助更迫切嘅人！每個月有幾多就用幾多，搞到『棺材本』得返唔夠1萬元。」Simon又指，當大女Maggie看到報道中母親的『慘況』後大為震驚和憤怒：「除咗要澄清返子女冇棄養媽媽，每個月都提供畀基金生活費外，更急查到底發生咗咩事？年老媽媽係咪遭網騙？還係身體出咗問題要用錢治病？經了解過後才知道母親性格倔強，有乜事唔出聲，唔想子女負擔，所以最終委託經理人及好友陳建興(Philip)：『嚴控媽咪用錢，唔准再不自量力幫人！日後要好好照顧媽咪的生活。』」面對子女反對和規勸，夏蕙BB仍堅守信念：「每次幫到人內心都好高興！活到94歲能夠雪中送炭，比擁有幾千萬遺產更滿足。」她以畢生歷練詮釋生存哲學：「冇經過磨練嘅人生，點成就明日榮耀？」
秘密申請過渡屋內幕
BB承認自己做事太衝動和倔強，當日申請這間過渡屋是經由社福界朋友幫手，全程隱瞞子女及經理人：「怕佢哋鬧我幫人唔識分寸！」對於強烈子女要求她退還過渡屋的決定，黃夏蕙接納建議，承諾盡快處理，但BB強調，他真的沒有任何資產，並冇虛報。經歷《東周刊》揭露事件，黃夏蕙感到人間有情：「有好多朋友主動致電關心，話請我食飯又送上利是，甚至更有幾間香港小店，主動聯絡Simon搵我拍宣傳片，幫我生活費。」獲送暖的BB眼有淚光：「成件事聽落好負面咁，但往往人生就係忽略咗苦盡甘來，我會繼續保持正面態度。」
