朱智賢聞黎振燁兼職保安15字回應 譚嘉儀離職TVB首亮相友台︰自由身接Job
更新時間：21:45 2025-05-15 HKT
發佈時間：21:45 2025-05-15 HKT
發佈時間：21:45 2025-05-15 HKT
字體大小
朱智賢、譚嘉儀、蔣怡、梁凱晴、陳思圻等今日（15日）出席HOY TV節目《領廚爭霸戰》啟動禮，眾星亦會參與明星賽，暫未知對手是誰。朱智賢和譚嘉儀自認廚藝不錯，而與節目中的名廚相比只屬初哥，朱智賢最拿手是炆牛腩，譚嘉儀擅長蒸魚和茄汁蝦碌。
朱智賢驚鱔滑潺潺
日前有指黎振燁轉行做保安，曾跟對方撻着的朱智賢表示︰「冇留意報道，唔知呢件事，同佢冇聯絡。」問到可覺得TVB越走越多人？她說：「其實每年都走好多人，只不過最近多咗報道先覺得多咗。」講到去街市買餸，朱智賢自爆惡趣味：「我好驚田雞，每次街市見到都會影相、拍片放上社交網，同大家分享我嘅恐懼，都會畀網友話我變態。如果我隻手掂到田雞，我估會暈低！我又好驚鱔，試過拍劇有條鱔，一打開蓋，條鱔就彈出嚟！嚇到我哋全部人彈開。明星賽應該喺我生日當日舉行，希望到時唔好要我炮製同田雞、鱔相關菜色。」
譚嘉儀強調非HOY TV藝人
譚嘉儀則最怕辣，透露每次切洋蔥和炒辣椒都會全副武裝，會戴防護面罩或眼鏡口罩。這是譚嘉儀離職TVB後首次亮相其他電視台，她表示感覺新鮮又得意，認識了不少新朋友，又見到很多台前幕後的舊朋友；並強調不是HOY TV藝人，只是合作，笑說現在是自由身，有自己的工作室，否認做了老闆，而是自僱人士。
梁凱晴台港兩邊走
來自台灣的梁凱晴曾是TVB藝人，現已回復自由身，不時香港及台灣兩邊走拍節目，今次也是特意由台灣來港工作，講到廚藝，她自認算得上是半個天使，擅長烘焙類，但節目中要煮中菜就信心不大，幸還有時間可練習。
陳思圻煲湯得一種味
陳思圻直指自己是地獄廚神，媽咪覺得入廚房辛苦，故自少就不准她入廚房，又說近來學識煲湯，但每次都是用清補涼的材料，每款湯水都是同一個味道，笑指父母都向她投訴飲到厭。
最Hit
黑幫大耳窿設行動中心借5000人逾$8000萬 追數組成員僅為初中生 43人被捕
2025-05-16 17:46 HKT
毋須北上拎「國補」！小米香港推「全場智能家電補貼計劃」優惠 全場300件智能家電減高達48% 實測深圳/香港買平啲？
2025-05-16 10:54 HKT
49歲一代笑匠星二代斷崖式衰老 滿頭白髮拖狗呆站日間護理中心 無端仰天大叫令人側目
2025-05-16 18:00 HKT
