游茛維唔怕捱誓跟吳浩康爭食考獲「四大牌照」加強離巢競爭力丨獨家

更新時間：08:00 2025-05-09 HKT
發佈時間：08:00 2025-05-09 HKT

主持了12年《東張西望》的游茛維(一蚊Joe)，早前在社交網發文宣布離巢。沒有大台遮蔭，43歲的一蚊Joe進取地考齊地產、地盤、保安、保險「四大牌照」加強離巢後的競爭力，並在短時間內已轉戰保險界「頂住先」。即使擁有大學學歷，但他揚言不介意和吳浩康爭食做地盤真漢子，坦言𠵱家市道唔好：「希望大家都畀個機會，最重要可以養到頭家！」採訪：方騫平場地：中環滙

游茛維效力 TVB 18年，直至去年2月才轉簽邵氏1年，今年約滿離開，同TVB再冇任何關係︰「2006年參與《一擲千金》後畀陳志雲拉入局，期間續咗3次約，但疫情時共渡時艱被減薪一半，月薪得返萬幾蚊後難以上調，最後過檔邵氏搵新路向，希望借助邵氏『光環』繼續成為大台『入場券』，有機會仲喺TVB生存，但最後都係事與願遺，倒不如外闖。」

回顧大籮辛酸史

回顧於TVB並非一帆風順，有大堆辛酸史，但學會樂觀面對，心臟也變得強大︰「因為唔推嘢做，試過農曆新年油黑塊面扮過老鼠；搽上炭粉扮焦屍，甚至就算係『親生仔』，於台慶大合照排位都係排尾2行︰「着到身光頸靚企咁後係會有啲不是味兒嘅，唯有攬住條柱擺pose自娛及搶鏡，自我安慰『可能生得高大，會阻到中間啲妹妹仔。』我都算係個幾樂天嘅人啦。」

不過，最坎坷還是疫情時候︰「我哋一家5口冇嘢做，喺屋企你眼望我眼，嗰時擔心到問自己『點算好？』加上收入唔多養唔起成頭家，只好靠從事投資銀行嘅老婆頂住，有次太太好攰返到屋企不經意話『好攰呀，幾時輪到你？』其實我都好想出返啲力，自問係實幹型，做嘢從來係超額完成，只係唔夠靚仔，人脈唔夠，咁自己錯係邊呢？奈何個市又唔好，呢啲變咗係男人之苦。」

↓立即下載星島頭條App↓