游茛维唔怕挨誓跟吴浩康争食考获「四大牌照」加强离巢竞争力丨独家

更新时间：08:00 2025-05-09 HKT
发布时间：08:00 2025-05-09 HKT

主持了12年《东张西望》的游茛维(一蚊Joe)，早前在社交网发文宣布离巢。没有大台遮荫，43岁的一蚊Joe进取地考齐地产、地盘、保安、保险「四大牌照」加强离巢后的竞争力，并在短时间内已转战保险界「顶住先」。即使拥有大学学历，但他扬言不介意和吴浩康争食做地盘真汉子，坦言𠵱家市道唔好：「希望大家都畀个机会，最重要可以养到头家！」采访：方骞平场地：中环汇

游茛维效力 TVB 18年，直至去年2月才转签邵氏1年，今年约满离开，同TVB再冇任何关系︰「2006年参与《一掷千金》后畀陈志云拉入局，期间续咗3次约，但疫情时共渡时艰被减薪一半，月薪得返万几蚊后难以上调，最后过档邵氏揾新路向，希望借助邵氏『光环』继续成为大台『入场券』，有机会仲喺TVB生存，但最后都系事与愿遗，倒不如外闯。」

回顾大箩辛酸史

回顾于TVB并非一帆风顺，有大堆辛酸史，但学会乐观面对，心脏也变得强大︰「因为唔推嘢做，试过农历新年油黑块面扮过老鼠；搽上炭粉扮焦尸，甚至就算系『亲生仔』，于台庆大合照排位都系排尾2行︰「着到身光颈靓企咁后系会有啲不是味儿嘅，唯有揽住条柱摆pose自娱及抢镜，自我安慰『可能生得高大，会阻到中间啲妹妹仔。』我都算系个几乐天嘅人啦。」

不过，最坎坷还是疫情时候︰「我哋一家5口冇嘢做，喺屋企你眼望我眼，𠮶时担心到问自己『点算好？』加上收入唔多养唔起成头家，只好靠从事投资银行嘅老婆顶住，有次太太好攰返到屋企不经意话『好攰呀，几时轮到你？』其实我都好想出返啲力，自问系实干型，做嘢从来系超额完成，只系唔够靓仔，人脉唔够，咁自己错系边呢？奈何个市又唔好，呢啲变咗系男人之苦。」

↓立即下载星岛头条App↓