TVB御用惡人彭皓鋒直腸癌三期抗癌進度曝光 幸電療無損性能力 花光積蓄急搵工開：三子女開支大丨獨家
發佈時間：10:20 2025-05-03 HKT
現年54歲的「TVB御用惡人」彭皓鋒(Peter)前年7月證實患上直腸癌第三期，醫生評估需做人工肛門續命，否則最多只能再撐1年。拒絕做手術及化療，選擇了另類治療的彭皓鋒一年死線已過，至今精神還不錯，腫瘤更由今年初最大8.8縮細至4.8厘米。雖然健康向好，但壓力未減，尤其生活逼人，彭皓鋒坦言經濟告急，停工一年已耗盡借落近半百萬的醫藥及生活費，唯有𢱑撈，望盡快有工開。 採訪：方騫平
彭皓鋒花光積蓄兼借錢保命
育有3子女的彭皓鋒病發時情況嚴重，唯有停工一年抗癌，除花光積蓄保命，再向親友借落幾十萬來應急，只要「留得青山在，那怕無柴燒」。
彭皓鋒抗癌進度曝光？
彭皓鋒慶幸電療無損性能力
雖然不幸罹患惡疾，但彭皓鋒慶幸唔算辛苦，最大病徵常有便意：「其實呢方面都幾困擾，去唔切就會瀨，試過同太太日本外遊散心，不論去到商場及遊樂場都要去廁所，1日屙10次8次，根本就各有各行，陪唔到屋企人。」談及最近健康狀況，他表示月前入院，做完5日電療，但原來放射治療只不過有助舒緩，醫生話幫不到縮細腫瘤，還會有影響性能力的風險：「因為我對化療及手術信心唔大，電療係唯一選擇，哈！好彩冇後遺症，否則就攞嚟搞。」原先彭皓鋒持續有便意，現時還得到舒緩：「只要有精神寄託，就唔使頻頻去廁所，但一放鬆，可以屙足45分鐘都有料到。」選擇另類治療的彭皓鋒食了補給品及注入高劑量維他命C抗癌，病情向好，暫時未有打算做手術及化療，故西醫只能定期覆診監控。
相關閱讀：「御用惡人」彭皓鋒願接受電療因腫瘤有變化 罹患直腸癌第3期拒封肛：無法逆轉
彭皓鋒治病已耗盡半百萬
由於病情穩定，彭皓鋒急於復工來養家，也希望盡快還清欠下的巨額：「手停口停，每個月水電煤、租金等生活費，仲有3子女開支又咁大，靠老婆打份工獨力難支，借返嚟啲錢都差唔多見底，再咁落去搞唔掂！就算佢哋明白我處境，冇人催我還錢，但，都唔想拖欠咁耐啦！自己唔慣賒借度日。」彭皓鋒趁仲有工作能力公開𢱑撈：「我要話畀人知，唔好以為我病就做唔到嘢，其實我不知幾生猛，我仲做得嚟。」
相關閱讀：「御用惡人」彭皓鋒抗癌有新進展 現身醫院一連5日接受電療 曾為保肛門拒做手術
彭皓鋒見證癌母經歷怕做化療：一做就走咗？
彭皓鋒難接受直播「賣唱」
不過，市道不景對他復出構成沖擊：「好無奈，𠵱家電視劇及電影產量唔多，大把行內人冇工開，最壞打算，逼不得已嘅話咪轉行，可能同朋友搞下茶飲，做住啲side邊嘢先，但，只要有機會都做返幕前，唔甘心放棄30年『業績』。」彭皓鋒也曾試過在內地做直播，他坦言要調節心理狀況再出發：「當年只係做咗兩個月抖音直播，但平均月入都有2萬蚊㗎，不過，我嫌自己冇乜話題，唔想喺度日日唱歌，好似廟街賣唱咁，會做壞個『朵』，更加唔想畀人唱『香港啲演員冇嘢撈，上晒嚟乞錢！』呢啲負評我真係接受唔到，而且直播終極係做帶貨，呢方面自己冇乜把握，唔係我專長，更加要求係良心帶貨。」彭皓鋒又指，抖音舊帳號僅得3萬幾粉絲，反而變得有挫敗感，打擊了信心：「我拍一套網大都唔止咁少觀眾啦。」慶幸截稿前彭皓鋒𢱑撈成功，迎來好消息，他語帶興奮說：「真好辛苦𢱑到返嚟㗎，日內會去雲南拍騰訊個網劇，今次唔使做奸人，而係做刑警，另外，仲又會去東莞唱酒吧騷，有嘢乜都試下做啦。」
相關閱讀：TVB御用惡人彭皓鋒直腸癌3期常有便意影響生活 見證癌母經歷怕做化療：一做就走咗丨專訪
