TVB御用恶人彭皓锋直肠癌三期抗癌进度曝光 幸电疗无损性能力 花光积蓄急揾工开：三子女开支大丨独家
发布时间：10:20 2025-05-03 HKT
现年54岁的「TVB御用恶人」彭皓锋(Peter)前年7月证实患上直肠癌第三期，医生评估需做人工肛门续命，否则最多只能再撑1年。拒绝做手术及化疗，选择了另类治疗的彭皓锋一年死线已过，至今精神还不错，肿瘤更由今年初最大8.8缩细至4.8厘米。虽然健康向好，但压力未减，尤其生活逼人，彭皓锋坦言经济告急，停工一年已耗尽借落近半百万的医药及生活费，唯有𢱑捞，望尽快有工开。 采访：方骞平
彭皓锋花光积蓄兼借钱保命
育有3子女的彭皓锋病发时情况严重，唯有停工一年抗癌，除花光积蓄保命，再向亲友借落几十万来应急，只要「留得青山在，那怕无柴烧」。
彭皓锋抗癌进度曝光？
彭皓锋庆幸电疗无损性能力
虽然不幸罹患恶疾，但彭皓锋庆幸唔算辛苦，最大病征常有便意：「其实呢方面都几困扰，去唔切就会濑，试过同太太日本外游散心，不论去到商场及游乐场都要去厕所，1日屙10次8次，根本就各有各行，陪唔到屋企人。」谈及最近健康状况，他表示月前入院，做完5日电疗，但原来放射治疗只不过有助舒缓，医生话帮不到缩细肿瘤，还会有影响性能力的风险：「因为我对化疗及手术信心唔大，电疗系唯一选择，哈！好彩冇后遗症，否则就攞嚟搞。」原先彭皓锋持续有便意，现时还得到舒缓：「只要有精神寄托，就唔使频频去厕所，但一放松，可以屙足45分钟都有料到。」选择另类治疗的彭皓锋食了补给品及注入高剂量维他命C抗癌，病情向好，暂时未有打算做手术及化疗，故西医只能定期覆诊监控。
相关阅读：「御用恶人」彭皓锋愿接受电疗因肿瘤有变化 罹患直肠癌第3期拒封肛：无法逆转
彭皓锋治病已耗尽半百万
由于病情稳定，彭皓锋急于复工来养家，也希望尽快还清欠下的巨额：「手停口停，每个月水电煤、租金等生活费，仲有3子女开支又咁大，靠老婆打份工独力难支，借返嚟啲钱都差唔多见底，再咁落去搞唔掂！就算佢哋明白我处境，冇人催我还钱，但，都唔想拖欠咁耐啦！自己唔惯赊借度日。」彭皓锋趁仲有工作能力公开𢱑捞：「我要话畀人知，唔好以为我病就做唔到嘢，其实我不知几生猛，我仲做得嚟。」
相关阅读：「御用恶人」彭皓锋抗癌有新进展 现身医院一连5日接受电疗 曾为保肛门拒做手术
彭皓锋见证癌母经历怕做化疗：一做就走咗？
彭皓锋难接受直播「卖唱」
不过，市道不景对他复出构成冲击：「好无奈，𠵱家电视剧及电影产量唔多，大把行内人冇工开，最坏打算，逼不得已嘅话咪转行，可能同朋友搞下茶饮，做住啲side边嘢先，但，只要有机会都做返幕前，唔甘心放弃30年『业绩』。」彭皓锋也曾试过在内地做直播，他坦言要调节心理状况再出发：「当年只系做咗两个月抖音直播，但平均月入都有2万蚊㗎，不过，我嫌自己冇乜话题，唔想喺度日日唱歌，好似庙街卖唱咁，会做坏个『朵』，更加唔想畀人唱『香港啲演员冇嘢捞，上晒嚟乞钱！』呢啲负评我真系接受唔到，而且直播终极系做带货，呢方面自己冇乜把握，唔系我专长，更加要求系良心带货。」彭皓锋又指，抖音旧帐号仅得3万几粉丝，反而变得有挫败感，打击了信心：「我拍一套网大都唔止咁少观众啦。」庆幸截稿前彭皓锋𢱑捞成功，迎来好消息，他语带兴奋说：「真好辛苦𢱑到返嚟㗎，日内会去云南拍腾讯个网剧，今次唔使做奸人，而系做刑警，另外，仲又会去东莞唱酒吧骚，有嘢乜都试下做啦。」
相关阅读：TVB御用恶人彭皓锋直肠癌3期常有便意影响生活 见证癌母经历怕做化疗：一做就走咗丨专访
