陳柏宇帶病開個唱聲音沙啞仲吊威也唱盡人生重要時刻感觸︰由配角變鄰家阿伯

更新時間：17:45 2025-02-16 HKT
發佈時間：17:45 2025-02-16 HKT

陳柏宇（Jason）相隔2年後再開個唱，《陳柏宇 LIFE IS LIVE 演唱會 2025》昨晚起假香港會議展覽中心舉行，頭場Jason受細菌感染帶病上陣，傾盡全力使盡渾身解數，連場歌舞，甚至吊威也登場。Jason先以《令人期待的下集預告》及《路人乙》道出當年陪朋友試音的配角身分，竟無心插柳成為歌手的經歷。

鄰家阿伯飛天遁地

陳柏宇用輕柔的聲線和大家打招呼，自爆：「如果我成晚講嘢都係咁嘅聲，你哋唔好太緊張，其實我早兩日病咗，功力有少少深厚，所以仲唱到歌。當然要成為一個好嘅歌手，就係要唱出觀眾想要聽嘅歌，可以觸動到大家心底裏嘅歌曲。」隨後一口氣獻唱《逸後》、《車匙》、《關於後悔》及《你瞞我瞞》幾首慘情作品，笑言由當年的鄰家男孩，變成了今日的鄰家阿伯。由於受細菌感染致聲帶腫漲，Jason唱《你瞞我瞞》假音時得到全場大合唱拍和，場面非常溫暖。而演唱會第二部分，Jason呈獻與太太符曉薇的一段恩愛情路︰《請跟我走》、《認真如初》、《霸氣情歌》等歌道出人夫深情，直至第三部分的《Mr. Adult》、《中二寄生魂》展現他的大細路一面，唱《魔法戰隊》時又吊威也化身戰隊成員，童心未泯。