李克勤最近參予最新一季《披棘斬的哥哥》節目，同步他的《我們的交響樂世界巡迴演唱會》不停進行中，上周剛完成了上海站。

李克勤獲歌迷送蛋糕讚有心思上海演出變全紅嬋狂收公仔偷閒放假帶母親上海遊玩

更新時間：22:45 2024-09-03 HKT
發佈時間：22:45 2024-09-03 HKT

李克勤最近參予最新一季《披棘斬的哥哥》節目，同步他的《我們的交響樂世界巡迴演唱會》不停進行中，上周剛完成了上海站，9月21.22 又會再到澳門倫敦人開騷，所以他笑言自己是忙到似連呼吸都沒時間。

《我們的交響樂世界巡迴演唱會》上海站，克勤笑言最難忘是歌迷不停拋公仔上台，「已經不是第一次，上兩站都有歌迷想送禮物比我，就咁就拋上台，我身手反應都勁㗎，我打開波嘛，一手就接住，唔知佢地係咪覺得咁樣好好玩，所以今次上海站特別多，真係拋咗幾十隻上嚟咁滯。(當你係全紅嬋？) 唔係掛？係咪依家流行咁樣啊？可能歌迷心目中我仲未長大，或者送俾我囝囝，哈哈，無論係送咩比我都好，我都開心嘅。其實唔止公仔，歌迷重送咗個好靚蛋糕比我，好有心思。」

是次上海演唱會，克勤於管樂之中，加了一位用鋸琴的老師，「係呀，佢都係一位藝術家，琴技非常精彩，九月中我再返澳門站演出，兩場我都會帶埋鋸琴老師去，比大家欣賞下佢精彩的技術，所以香港歌迷朋友，記得唔好錯過，過澳門嚟欣賞啦。歌單都會有少少新改動，我估大家會滿意嘅。」

上海站演出之後，克勤謂因為工作忙少見家人，所以刻意放兩日假，帶媽咪於上海遊玩，「食下嘢同周圍行下咁啦。人點忙都要搵時間陪下家人嘅。」

↓立即下載星島頭條App↓