趙慧珊唔介意常被屈找數：最重要搵到 孖混血KOL J Lou介紹香港「食好西」餐廳丨獨家
發佈時間：06:00 2024-05-24
前組合Super Girls成員趙慧珊（Aka）與中法混血網紅林欣（J Lou），再為HOY TV主持新一輯飲食節目《全港開餐100強》，推介平靚正餐廳，吸引市民留港消費。Aka自爆曾答應跟朋友夾份做飲食生意，但眼見港人北上消費成為常態，現已打退堂鼓，不過，就經常請朋友食飯，用實際行動來振興香港經濟。採訪：方騫平 場地：i m teppanyaki and wine 鐵板燒·鑄
新一輯《全港開餐100強》將於8月12日晚起推出，主持人Aka及J Lou不停狂食，開始食到嘴刁，向來愛好食中菜的J Lou更影響埋外籍老公口味，搞到他愛食點心及糖醋骨，又開心大發現好味火鍋，不時要求留家打邊爐。
Aka常跟朋友外出食飯，問到係咪追求者請她「食好西」？她卻推說唔多，反而俾朋友屈請食飯：「因為算命師傳話我有條請客命！」問到係咪朋友眼中，有大食大嘅「阿姐級」？她唔否定笑說：「是但啦，可能37歲輩份開始高，但埋單唔緊要，最重要係搵得到，好彩朋友都錫住我銀包，未試過食到過萬元。」
爭住跟「子華神」拍戲
最近Aka再次舉行慈善畫展，她慶幸逆市下能多一條出路，稍後有意進修，報讀藝術課程；至於J Lou工作量不減，她表示只會專心拍片，廣告商壓價問題交由經理人處理。去年她拍完電影《1人婚禮》戲癮大發，笑言最想跟兒時初戀對象「子華神」拍戲，還自爆：「我初中時經已好鍾意睇黃子華啲作品，覺得佢好有魅力，仲不時跟同學仔講到眉飛色舞，同學認為我暗戀佢。𠵱家我都有同老公分享，佢望住黃子華張相，只係輕描淡寫回應一句『OK啦』。」Aka也喜歡「子華神」，更願意為佢獻上螢幕初吻。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
