陳卓賢欲寫信向「Hellosss」表達愛意到英國巡唱趁機拍MV

更新時間：20:45 2024-04-25
發佈時間：20:45 2024-04-25

陳卓賢（Ian）前陣子到英國舉行MIRROR巡唱，趁有空檔時間於倫敦拍了最新單曲《Thank You Postman》的MV。新歌講述一對情侶各自追逐自己的夢想而分隔兩地，憑藉信件聯繫感情，而郵差為這段感情扮演了重要角色。

現在資訊科技發達，Ian表示都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」問到在英國巡唱時的Ian，若要寄出一封信會選擇誰，他表示會寄給粉絲Hellosss（粉絲暱稱），「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」。

因為要到英國開騷，Ian出發前忽發奇想，「既然一場嚟到，睇下會唔會安排到少少時間拍到MV一啲片段。今次呢隻歌同MV，講男仔去咗第二個地方去追佢嘅夢想，女主角唔係喺同一個地方，各自努力緊自己嘅嘢。」剛好Ian身處英國，扮演女友的許恩怡在香港，兩人各自分開拍攝，表達了兩人分隔異地的關係。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ