羅啟豪開音樂會慶祝40歲生日回流後私密片段曝光

更新時間：08:00 2024-04-17
發佈時間：08:00 2024-04-17

「英國豪」羅啟豪歌迷會(豪吧)日前舉行《羅啟豪相信相信 40=1 Birthday Bash！》，除發佈新歌外，還慶祝啟豪40歲生日及歌迷會成立一周年。大會主持人周亦瑋（Jarvis) 分享「豪吧」過去一年嘅成績，包括羅啟豪於決賽後半年已經舉辦了處男音樂會、新歌《相信相信》 MV view數直逼20萬，又據統計資料，原來啟豪於短短一年內公開演唱過138首唔重複嘅歌，從而帶給觀眾新鮮感。同日「豪吧」更推出創刊號嘅《豪吧放題》通訊提供「豪遊社區」專欄，由豪殼(「豪吧」成員)做埋記者，採訪啟豪兒時認識的老店，啟豪希望透過豪殼嘅力量推動香港經濟。

活動中啟豪又分享之前和李佳前往加拿大演出花絮片段，工作以外兩人趁機自由行，結伴踩單車、盪鞦韆、參觀尼加拉瓜大瀑布等，兩人寓工作於娛樂。另外，為答謝Fans支持，啟豪回流香港後的私密片亦告曝光，原來啟豪近年四出覓食，包括品嚐最愛的蟹黃撈麵、菇菌火鍋、麻辣西瓜等。尾聲時歌迷送上彩蛋，由0001及1001歌迷做代表推出啟豪最鍾意嘅鴨仔蛋糕，喻意「豪吧」超過1000名會員，全場為壽星仔唱生日歌祝壽，令啟豪大受感動。

《星島申訴王》已推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ