金像獎2024丨《金手指》梁朝偉六度奪最佳男主角與劉嘉玲打情罵俏：畀我講埋先好冇

更新時間：23:24 2024-04-14
發佈時間：23:24 2024-04-14

金像獎2024｜第42屆香港電影金像獎（The 42nd Hong Kong Film Awards）頒獎禮於4月14日（今日）在香港文化中心大劇院舉行。今屆金像獎提名名單早前已經公佈，最佳男主角入圍名單包括：林保怡《白日之下》、盧鎮業《年少日記》、梁朝偉《金手指》、黃子華《毒舌大狀》、大鵬《第八個嫌疑人》，最終由梁朝偉憑《金手指》奪得最佳男主角，亦是他第六度在金像獎上封影帝。

金像獎2024丨梁朝偉憑《金手指》奪最佳男主角：

梁朝偉12次入圍金像獎最佳男主角，今年憑《金手指》第六次封影帝，他雖然未有到場，卻穿上西裝以視像形式現身，當宣布獲得最佳男主角時，梁朝偉一度開心掩面。頒獎嘉賓古天樂便邀請梁朝偉太太劉嘉玲上台代領獎：「係咪要請（劉）嘉玲姐上台？」劉嘉玲代老公梁朝偉領獎後，即尋找其身影說：「梁朝偉你講啲嘢啦！」

梁朝偉逾10年冇攞金像獎

梁朝偉被老婆劉嘉玲點名，即提起精神回應，他先表示：「唔識講，好開心啦！因為好耐冇喺香港電影金像獎攞過獎喇！差唔多隔咗有十幾年喇我諗。係咪依家開始講得獎感受㗎喇！（全場爆笑）嘉玲姐（係呀！係呀！）我首先要多謝香港電影金像獎啦，同埋所有提名我嘅朋友，咁就多謝英皇娛樂楊（受成博士）老闆、多謝導致莊文強比呢個機會我......仲有......梗係要多謝你（劉嘉玲）啦！」

梁朝偉去年橫掃獎項：

梁朝偉感謝《穿梭機》監製

劉嘉玲打趣問老公：「你係多謝我，定係袁詠儀定係劉青雲（意指古天樂）呀！」梁朝偉笑得好無語續道：「你丫嘛嘉玲姐，鼓勵同埋支持，你畀我講埋先，亦都要多謝我啲屋企人啦！特別要多謝林麗真女士啦，即係我兒童節目（《穿梭機》）嘅監製，佢一直以嚟都對我好多鼓勵同埋支持。我覺得最緊要係喺我過往呢41年演藝生涯裡面，一直喺度支持我嘅觀眾朋友，係囉！多謝大家。」

相關閱讀：金像獎2024丨梁朝偉奪最佳男主角年少時活潑好動家庭巨變致社恐曾認有童年陰影

金像獎2024丨《金手指》劇照：

劉嘉玲讚是偉大演員

劉嘉玲之後問梁朝偉：「我想講兩句呀！得唔得呀梁朝偉？（得呀！得）我知道梁朝偉一攞獎呢好多人就會話，唔係呀嘛，oh my god！又係佢呀！畀啲機會人啦！但係我咁多年喺佢身邊，我覺得梁朝偉真係個好偉大嘅演員，（千祈唔好咁講，好演員係OK）我覺得一個演員呢佢可能付出100分嘅努力、200分嘅努力，但梁朝偉先生係付出咗500、1000分嘅努力，（唔係，我覺得大家都付出咗好多努力嘅），所以我覺得我哋香港有個咁偉大嘅演員，（都話唔係偉大，好演員係OK，但唔係偉大），香港電影加油！（努力！自己喺自己崗位度）」二人有趣互動惹來全場多度爆笑。

金像獎2024丨洪金寶獲頒「終身成就奬」逾半世紀演藝生涯開創諧趣功夫片先河

金像獎2024丨最佳男女配角候選人特刊造型曝光謝君豪姜大衛型爆登場

金像獎2024丨原定由鄭啟泰做旁白未找到替代廖子妤激動公布男友入圍影帝自認失禮

金像獎2024丨劉嘉玲「金龍蝦裝」致敬《與龍共舞》葉德嫻？與台下互動爆笑跟黃子華探討「浮質」

金像獎2024丨卓亦謙得獎金想去旅行《年少日記》內地上映抱平常心

金像獎2024丨謝咏欣再下一城獲再得最佳新演員大讚吳慷仁是最好阿爸

金像獎2024丨《毒舌大狀》奪最佳電影！黃子華失落影帝冇失望：而家更好嘅結果係出咗

金像獎2024丨《白日之下》余香凝首奪最佳女主角：將用一生時間鑽研如何成為好演員

金像獎2024丨姜大衛首奪最佳男配角揚言不會退休繼續拍電影太太李琳琳聽力變差要戴助聽器

金像獎2024丨姜大衛首獲提名奪最佳男配角笑指與秦沛靠爾冬陞與太太金婚送獎示愛

金像獎2024丨梁雍婷憑《白日之下》大熱奪最佳女配角含淚感謝恩師廖啟智

----------------------------------------------------------------