Joe Junior支嚳儀組爺孫正氣合唱團 公開78歲皮光肉滑秘方丨獨家
發佈時間：07:00 2024-03-18
78歲仲好好唱口嘅Joe Junior每年都會開一次演唱會，今年邀得嶄新組合「中一生」支嚳儀（Venus）及盧宛茵任表演嘉賓。好有諗頭嘅Venus話要跟Uncle Joe組「Joe支」合唱團(諧音係早知)跟他走埠，有細40年嘅年輕美女追隨，𠱁到Joe Jun開心搞笑說：「我哋真係正經嘅爺孫歌唱組合。」Venus同意：「係正氣嗰種。」採訪：方騫平 攝影：鄧國良
Joe Junior將於本月及4月，分別在文化中心及香港大會堂舉行《Pop Legend Joe Junior in Concert 2024》，屆時和表演嘉賓支嚳儀及盧宛茵大唱經典英文好歌。Joe Jun首次跟Venus合作，大讚她真人比上鏡靚，而且唱歌有水準，有天份更有誠意，唱歌超過半個世紀的Joe Jun提點她要多爭取舞台經驗，因為熟能生巧，平日更要勤於練歌，否則不進則退。Venus虛心受教，自言獲益良多，還乘機請教Uncle Joe 如何Keep住皮光肉滑，Joe Jun就醒她每晚用冰水浸面，他已浸足45年。
三藩市之友有淵源
Joe Jun發覺和Venus好啱key，除咗都係喜愛唱英文歌，兩人也曾住過三藩市，最近他還重返當地巡演。Venus回憶返晒嚟：「記得我喺三藩市讀大學時，曾去過唐人街睇Uncle Joe演出㗎！估唔到多年後有幸跟Uncle Joe同台學習，不如我哋組成『Joe支』合唱團，我跟住前輩走埠啦。」Joe Jun一口答應，他搞鬼笑說：「佢咁紅我反要黐吓佢，等佢帶挈我紅啲呀！」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
