東張西望丨9旬婦離世鬧爭產！兒子被指快閃喪禮兼落格百萬反擊怒爆爸爸玩女人

更新時間：23:20 2023-12-26
發佈時間：23:20 2023-12-26

《東張西望》今晚（26日）報道連家鬧爭產！事緣91歲連婆婆於9月初時離世，遺下96歲老伴連伯。連婆婆與連伯育有7名子女，其中排第五的阿輝，被其他兄弟姊妹指控於連婆婆離世前，與連婆婆開聯名戶口，並於連婆婆臨終前將100萬元存款據為己有，但阿輝受訪時卻說出另一版本，事件變成羅生門。

【點擊睇《東張西望》連家爭產】：

連婆婆其餘6名子女接受《東張西望》訪問時指，阿輝一直以來都並非連婆婆最疼愛的子女，而四哥則是連婆婆最疼愛的兒子，四哥透露連婆婆的100萬元遺產其實是留給老公連伯的養老金。6名子女皆表示並非貪圖連婆婆的100萬元遺產，只是根據連婆婆遺願，希望將金錢用於連伯身上當醫藥費、生活費。

阿輝曾聯合外人搶胞弟生意

連家人指阿輝與連家已多年沒有往來，事關12年前，阿輝的窗簾生意出了問題，做工程、電器維修的六弟想幫助他，讓阿輝在他的店中掛單。豈料不久，阿輝聯同外人在六弟的店附近開電器維修店搶生意，最終六弟要搬走到別處做生意，自此阿輝亦不再跟家人聯絡。

阿輝快閃媽媽喪禮

據連家人指，阿輝在媽媽生病時僅探望過一次，而喪母後，更要家人多番聯絡才肯出席喪禮，阿輝只在喪禮逗留了10分鐘，亦沒有陪媽媽「上山」。而最近連伯發現太太連婆婆於離世前一個多星期，與阿輝開設了聯名戶口，而且將100萬元存入戶口，阿輝則在連婆婆離世前3天將100萬元據為己有。

阿輝揭媽媽早已想離家

阿輝對於家人的指控，透過《東張西望》跟家人直接對話，從阿輝言談間可知，與家人關係非常差，甚至不願稱呼連伯為爸爸：「我十幾廿年係完全唔想叫佢哋一個任何姓連嘅人，你唔好話佢兄弟好……姊妹好……老竇我都唔認呀！」又說出連婆婆生前有意離家：「我只有複述我阿媽講嘅嘢，我見到佢（連伯）都嘔呀！你知唔知佢（連婆婆）想離開呢個屋企，自己揸住100萬，嗱！我唔知㗎，呢100萬係你哋而家講畀我聽，喺我戶口我先知㗎咋。」之後阿輝又疑似轉移話題，未有再於通話中提及連婆婆的遺產，而是表示：「你有乜可能……你都明知個醫生話佢出唔到院㗎喇，講到嘢你都唔搵我？你個老人家（連伯）玩女人你知唔知？」而細妹則表示：「我乜都知，但我而家想知道，唔係因為佢玩唔玩女人，係阿媽點解攞咗100萬，你點解唔攞番出嚟？」及後雙方疊聲對罵。而明晚（27日）播出的《東張西望》，將會有阿輝現身受訪，阿輝更指自己處境被動，「佢話『阿仔，我要畀一嚿錢你』，咁我可以點呀？」非常戲劇性。