李家鼎自爆性史吸客

東周娛樂

更新時間：09:50 2023-05-20
發佈時間：09:50 2023-05-20

在娛樂圈打滾五十多年、現年七十八歲的李家鼎（鼎爺），在十五、十六歲時，做暑期工期間認識了武藝超群的關正良教頭，並拜其為師，二十歲正式入行擔當龍虎武師，之後晉升為武術指導，七十年代加入無綫，開始演員的生涯。
鼎爺除了練得一身好武藝之外，廚藝亦相當精湛！最近，鼎爺就與肥媽（Maria Cordero）及游嘉欣拍住一齊主持《肥媽李鼎》。兩位廚神每集輪住爆料，早前鼎爺在節目中，突然自爆廿六歲時仍是「青頭仔」一名，隨即被肥媽當眾取笑：「廿六歲仲係一碌柱（處子）呀！」鼎爺即解釋：「當時師傅話接近女色，功力就會減半，老頭子就話第一次會破了元氣，做咩都會弱，你仲敢制呀？」
日前下午二時許，《東周刊》在九龍城巧遇身穿牛仔衫的鼎爺，駕駛私家車現身，並拎住一條洗衣機的排水管，而水管的表面就有破損痕跡。他先後去了三、四間店，他終於成功買得，然後又急急腳駕車回家自行修理。當日發現七十八歲的鼎爺，仍然咬住支煙，真係要奉勸一句：吸煙危害健康，比起「破處」更傷身呀！