新四十二章｜「最上鏡小姐」黃碧蓮轉型拍劇勁搶鏡 演拜金心機女上位在望
發佈時間：12:00 2023-02-11
由有陳豪、龔嘉欣（Katy）、 鄭子誠、江嘉敏等主演的TVB劇集的《新四十二章》近日頻頻成為網絡熱話，除了一班主要演員之外，其它配角亦都非常搶鏡，例如爆炸頭鄺潔楹，不懂英文的老外易宇航等等，而昨晚一集就到加入TVB 九年，苦得一個上位機會的「最上鏡小姐」黃碧蓮！
昨晚的其中一個高潮，是周嘉洛在江嘉敏、鄺潔楹及肥叔（莫偉文飾）幫忙下，揭穿港女 Dr. Lau（黃碧蓮 Linna 飾）收兵真面目。其實 Dr. Lau 自出場以來一直備受關注，不少網民留言大讚她靚女兼有氣質，昨晚的港女真面目更令網民看得咬牙切齒。曾為《2012 年溫哥華華裔小姐競選》「最上鏡小姐」得主的黃碧蓮，2014 年參選香港小姐加入無綫，之前曾經憑《愛‧回家之開心速遞》刁蠻女子「Dion」被傳媒封為「Mini 香香」。不過加入TVB 9年的黃碧蓮大部分時間都是做資訊節目主持和兒童節目，即使加入劇組多數亦都是一些閒角。
【點擊睇黃碧蓮靚靚IG相及演拜金心機女表現】：
過往多演乖乖女的黃碧蓮，談到是次突破自己飾演拜金心機女，她笑言很開心監製陳維冠給予她這個機會挑戰自己：「今次呢個角色真係好特別，Sweet 得嚟又要有啲目的，我想感謝阿 Joe 畀呢個機會我，之前我都係做啲好乖女嘅角色，今次可以做同真實嘅自己好唔同嘅角色，我係好鍾意同覺得幾好玩。」黃碧蓮續指當年讀藝訓班時已與周嘉洛相識，除了覺得對方當時已很有才華外，更大讚對方 gentleman：「佢雖然細過我，但譬如拍攝時好凍，佢會拎件褸畀我。我又記得有一幕佢要公主抱我，但其實我好驚佢抱唔到我，因為我比較重，但佢都好 sweet，冇令我覺得自己好重，雖然佢抱我時手都震晒。」
【其他文章】：
55歲張敏開P慶生白到發光 偕年輕10歲男友陪吹蠟燭Sweet爆好登對
扒王之王結業丨老闆娘係息影女星曾因「巴士阿叔」自殺 愛女一度入行拍裸露照激嬲父親
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
