林奕匡拒與陳柏宇交流導師心得認為《聲夢2》形式與《就是青春》唔同

即時娛樂

更新時間：21:00 2022-09-09
發佈時間：21:00 2022-09-09

林奕匡（Phil）、葉巧林及姜麗文（Lesley）等今日出席一個有關職業安全的問答比賽。Phil指作為歌手，經常夜瞓外，做音樂時還會影響聽覺，故每次經過嘈的地方，自己也會迴避，問到在家中工作的時候，會否因音樂太大聲而被老婆投訴？Phil指無論做歌或是睇籃球賽時，都會戴上耳機至老婆睡醒才除下：「唔好話嘈住屋企人，你都唔想隔籬投訴嘛。」身為《聲夢傳奇2》導師的Phil表示節目即將完結，問他覺得哪個學員最進步，他謂覺得陳晉軒（Jason ）和彭家賢（Zayden）兩人在舞台上都有進步，提到他的師兄陳柏宇是《就是青春》的導師，問到是否有跟對方交流如何教導學員時，他説：「唔使啦，本身形式唔同。」

同場的Lesley剛從日本四國拍完旅遊節目回港的她，指當地溫度38度，此行令她曬黑不少之餘亦重了6磅，她笑說：「女人乜Size都靚，如果去日本唔增肥就好失敗（一日食幾餐？）正常3餐，但全部食好嘢，一啲好難訂位嘅餐廳都去到，真係好幸福。」Lesley指上次去日本已是疫情前，現在還有機會到日本也是難得的事情，更大讚四國地大人少：「去到農場地方除口罩拍嘢，真係好耐冇呼吸過新鮮空氣。」雖然能去日本好開心，但Lesley坦言好掛住老公和愛犬：「因為疫情習慣咗喺屋企，所以今次去咗14日，日日都有同老公視訊傾偈。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ