【有新歡？】破產後遷出「蔡宅」重新出發　韓君婷風騷晒線挨實外籍男

即時娛樂

更新時間：16:38 2021-04-26
發佈時間：13:45 2021-04-26

雖然天色麻麻，但君婷依然好心情，仲俯身拋波，大派福利！

現年45歲的韓君婷早年因在浴室滑倒撞歪鼻骨，由幕前轉戰美容界，無奈受疫情影響收入「歸零」，為亡母承擔龐大醫藥費、仍孭住20萬元債款的她，只好於今年1月中向法院提交破產呈請。消息曝光後，轉型KOL兼在網上帶貨的君婷獲不少觀眾買嘢支持外，更得到各界好友「包飲包食」援助；而與好友蔡國威「同居」兩年的她，又透露於一個星期前已搬走，重整人生再出發。為了保留私隱，君婷和蔡國威均「封口」不提新居住址，蔡國威僅答：「佢搬之前同我講已經搵到理想工作，自己養到自己，作為朋友會祝福佢之後有精彩嘅人生！」未料，日前為電台節目做主持時，卻被另一主持林子博篤爆搬到銅鑼灣。

外籍型男毫不忌諱地摸住君婷的大髀，唔通二人係拖友？恭喜定先！

君婷又於IG Story晒Body，So hot！

雖然破產，但君婷繼續以正面態度面對，昨日趁周末，她就去淺水灣享受日光浴，事後還於社交網一連貼出兩張泳衣照。相中，身穿米白色比堅尼的君婷，俯身大晒3吋事業線，獲網民大讚Very hot！不過，原來今次仲有一名外籍型男作伴，在另一張相中，君婷風騷地笑晒口挨實男伴，男方就毫不忌諱地摸住她的大髀，相當親暱，她留言：「陽光普照，影相留下美好光陰。」昨日天陰陰心情都咁靚，唔通君婷終於覓得新歡？